Een devoot ende profitelyck boecxken

[p. 84]

⁺

+ Fo. xxvii.^r-Fo. xxxvii.^v

N^o. LXIII.

1.
Ick wil mi gaen vertroosten
In Iesus liden groot
Al heuet ghestaen ten boosten
Het mocht noch werden goet
Al om mijn sondich leuen
Ben ick met druck beuaen
Dat wil ick gaen begeuen
O Iesu siet mi aen
2.
Mijn suchten ende mijn kermen
Siet aen ghenadich God.
Eylaes wilt mijns ontsermen
Al heb ick v ghebot
Versmaet tot menigher vren
Ick wil mi beteren gaen
Dit doet mijn herte trueren
O Iesu siet mi aen
3.
Den tijt heb ick verloren
Die ghi mi hebt verleent
Nae v en wilde ick niet horen
In sonden was ick versteent.
Seer traech ben ic tot duechden
Al heb ick goed vermaen
Oorspronck der eewiger vruechden
O Iesu siet my aen
4.
Al ben ick vol van sonden
Wilt mijns ghedachtich sijn
V duecht is sonder gronden
Die schulden sijn al mijn ||
Ick kent al yst seer spade
En wilt mi niet versmaden
Aen v roep ick ghenade
O Iesu siet my aen.
5.
Och lacy mi ocharmen
Hadde ict te voren versint
Soe mocht ick in uwen arme
Rusten als v kint
Om mijn groote misdaden
Mocht ick mi wel verslaen
Maer vat vol alder ghenaden
O Iesu/ siet mi aen.

[p. 85]

 

⁺

 

6.

 

Maria keyserinne

 

Des sondaers toeuerlaet

 

Vercrijcht mi ws kints minne

 

Want mi nu nauwe staet.

 

O maghet wilt mi hooren

 

In mijnder noot bi staen

 

Noch roep ick als te voren

 

O Iesu siet mi aen.

 

7.

 

O heylighen alle gader

 

Staet mi in noode bi

 

Wilt bidden God den vader

 

Dat hi mijnder ghenadich si

 

Mijn roepen en wil ic niet laten

 

Mocht ick ghenade ontfaen

 

Noch roepe ick macht mi baten

 

O Ihesu siet mi aen.

+ Fo. xxxvij.^v-Fo. xxxviij.^r