Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
ICk soude so gaerne bi Iesum sijn
Maer ick en hebbe gheen duechden
Die schult die is mijn
Des lidick int herte grote pijn
| |
[pagina 83]
| |
O soete waerde Iesu reyn
Wat raet wildy gheuen mi
2.
O siele wildy bi my sijn
So leert in liden verduldich sijn
Al yst uwer herten pine
Ick wil altijt v trooster sijn
O minnelike soete Iesu reyn
Wat raet suldy gheuen mi.
3.
Den noorden wint die wayt hier cout
Des vyants stricken sijn menichfout
Si schieten ooc haer pilen na my
In wat plaetsen dat ick si
O alder soetste Iesu fijn
Wat raet suldy gheuen my
4.
Heere God waer leyt mijns vaders lant
Dat is mijnder sielen onbekant
Ick wiste dat also gherne
Ick hope daer noch te comen
Ende hebben God te loone
Ende in liefden bernen.
5.
Te Ierusalem is ws vaders lant
God heeft sijn bode wt ghesant
Ouer gheheel aertrijcke
Dat wij alle souden comen
Die besitten willen te loone
Dat soete/ schoon/ eewich rijcke
6.
Die bloemkens groeyen daer in dat dal
Die rooskens en lelien ouer al
Alsoe ghenueghelijcke
Och siele en is dat nyet suuerlijc
Altijt te gebruycken sonder respijt
Wie hoorde oyt dies ghelijcke.
7.
Wanneer wij comen aen der || maechden dans
Daer sullen wi singen eenen nieuwen sanck
Met Gods moeder Maria
Die wil ons allen verbliden hier na
Met Iesum haren kinde
In blischap sonder ynde.
8.
Daer sullen wij singen en iubileren
Met nieuwe tongen discanteren
Alsoe ghenoegelijck
Och siele is dat niet suyuerlijc
Gods aenscijn te aenscouwen tot alder tijt
In dat ghenoechlijc hemelrijc.
|
|