Een devoot ende profitelyck boecxken

[p. 79]

⁺

+ Fo. xxxiiij.^v-Fo. xxxv.^r

N^o. LVII.aant.

1.
GHeen meerder genuechte op aerde niet en is
Dan die int herte te vreden is
Dient God in minnen reyne
En laet die werelt die werelt sijn
Want alle dingen verganckelijck sijn
Behaluen God alleyne ||
2.
Ghenoechte der werelt en mach niet staen
Schoonheyt des lichaems sal vergaen
In alsoe corten stonden
Onsen tijt is cort/ dye doot is snel
Wildy hier naemaels wesen wel
So leeft nu reyn van sonden
3.
Het goet der werlt en mach nyet baten
Het gheselscap moeten wij al hier laten
Wij moeten cortelijc steruen
Ic bid v heere gheeft mi respijt
Dat ic hier nu in desen tijt
Ghenade mach verweruen
4.
Wij moeten alle steruen dat is sekerlijck
Daer om rade ick een yegelijc
Dat hi nu steruen leere.
So can hijt als hi steruen moet.
Ende varen sonder tegenspoet
Bi Iesum onsen heere.
5.
Ghi ionghe herten al eest v pijn
Ghenoechte te deruen/ gheuanghen te sijn
Troost v met onsen heere
En voer den arbeyt die ghi hier doet
Sal v God gheuen dat eewighe goet
Dat eyndet nemmermeere
6.
Die ghene die haer willeken hebben hier
Sij singen/ sij springen/ sij maken goet chier

[p. 80]

 

⁺

 

Mer cortelijc sullen sij smaken

 

Die bitter doot/ die nyemant en spaert.

 

De helle die voer hen open staet

 

Daer sullen sij in gheraken

 

7.

 

Och heere die alle herten doersiet

 

Beschermt ons vore dat swaer verdriet

 

Als coemt die leste vren

 

Lof si v heere tot alder tijt

 

En troost de ghene die op aertrijc

 

Nu hemelrijc besueren

 

8.

 

Die dit lieken eerstwerf sanc

 

Na Gods ghenade hem verlanct

 

Hi heuet so wel ghesongen

 

Onse heere God die bermhertich is

 

Die wil ons gheuen verghiffenis

 

Van alle onse sonden

+ Fo. xxxv.^r-Fo. xxxv.^v