Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op de felue wise1.
WErwaerts dat ick mi henen keere
Ick en vinde aen die menschen gheenen troost
Nature wil mi verheeren
Ende ooc die helsche viant boos
O weerdighe suyuer Maria
Staet mi altoos in staden. ||
2.
Ghi doet mi altoos liden
Ende ghi en verblijt mi niet
Mi dunct in alle siden
Mijn clagen en helpt mi niet
Mer ghi verblijt tot alder tijt
Ende laet mi staen alleyne
3.
Nochtans so wil ick hopen
Het sal noch eens al worden goet
Sal ick ter minnen lopen
En ghebruken dat eewich goet.
So moet ic al mijn genoechte
In bitter liden maken.
4.
Ghi sijt een wijngaert rancke
Mijn alderliefste wtuercoren lief
Mocht ic van uwen druuen smaken
So waer mi seer wel geschiet
Ende van alle siecheden
Waer ick te mael ghenesen
|
|