Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
ALs ons den winter henen gaet
So coemt ons die coelen meye
Dan singhen die voghelkens schoone
So menigerhande gheleye
Dat doen si al om haer Gods danc
Met groter melodie
Bouen alder engelen sanck
2.
Maria is een fonteyne
Daer al minen troost aen staet
Ende een lelie reyne
Die hem seer wel behaecht
Hi wilde van haer gheboren sijn
Om dat hi ons soude verlossen
Al wter aertscher pijn.
3.
Hi daelde in aertrijcke
In dit ellendighe dal
Om dat hi ons soude verlossen
Al wt der sonden val
| |
[pagina 78]
| |
Daer ons Adam die vader in brocht
Al bi des viants rade
Dat hi verbrack tghebot
4.
Sij voeren alle ter hellen
Beyde cleyn ende groot
Daer waren si so menich iaer
In duysternissen groot.
Tot dat die heere verresen was
Doen quam hyse verlossen
Veel claerder dan den dach
5.
Met een groote claerhede
So quam die heere aldaer
Hi stack die poorte ter neder
Die ghesloten hadde ghestaen
Hi haelde daer sijn vrienden wt
Met groter vrolichede
Soe waren sij verblijt
6.
Dus waren si in vruechden ||
In blischap menichfout
Die heere wildese laten
Ende comen nederwaert
Om sijn lichaem dat hi aen nam
Ende verrees in paeschdaghe
Tot Maria dat hi quam
7.
Met troostelike woerden
Dat hi tot haer sprack
God groet v heylighe moeder
Maria verblide haer daer af
Sy sach daer haren gheminden staen
Dyen si vanden cruyce
So deerlijck hadde ontfaen.
8.
Maria roose bloeme
Vry edel maghet vry
Bidt Iefum uwen sone
Dat hi mijnder ghenadich si
Als ick van hier scheyden sal
Dat hi mijn siele brenghe
Al in dat hemelsche dal.
9.
Die dit lieken heeft gemaect
God gheue hem goet bekennen
Dat hi so sijn leuen mach brengen
Tot eenen saligen eynde
Ende leuen so in deser tijt
Dat hi hier nae mach comen
Al in dat eewich rijck
|
|