Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise/ oft op Een nidich herte is seer gepijnt1.
O Minnelike alder opperste cracht
Waer om hebt ghi mi oyt ghemint
Ende na v wesen ooc ghewracht
Dyen ick so luttel heb versint
Nochtans ben ick gheboren
V te hebben wtuercoren
Als mi eenich verstant beghint.
2.
Water/ zee/ lucht/ het paradijs
Sonne/ mane/ ende sterren claer
Schiept ghi om mi/ ick bens nu wijs.
My beminde ghi. xxxiij. iaer
Met woerden ende met wercken
Dat ick v soude bemercken
Inden gheest al openbaer
3.
Wwen gheest hebdy mi verclaert
Ghelijck een minnare gheerne doet
Ghi en hebt v lichaem niet ghespaert.
Ghi schonct mi al v herte bloet
Op dat ick dit soude smaken
Ende na v minne haken
Ghelijck een minnersse doet.
4.
Eglentier/ boomen/ ende cruyt
Vruchten/ ende elementen vry
Gaefdy mi doer v virtuyt
| |
[pagina 77]
| |
Maer ghi wilde mi wesen bi.
Tot eenen testamente
Ghi en liet van v gheen prente
Maer v wesen recht soot si
5.
Ghi segt/ this al v melodie
By des menschen kinderen te sijn voerwaer
Ghi segt/ doet dat ic v ghebiede
Mijn rijcke volcht v naer
Bi v wilt ghi ons stellen
Wt liefden wilde ghi tellen
Van mijn hooft bisonder elc hayr
6.
Gheen meerder liefde yemant en heeft
Dan die hem voer sijn vrienden stelt
Een huerelinck diemen huere gheeft
Die Iaet sijn scapen opt velt
Al vanden woluen verschoren
Maer ghi stelt v daer voren
Dies men v een goed herder scelt.
7.
Wie aen v roept ghi hoort hem || schier
Ghi sijt der armen toeuerlaet
Rijcheyt van die v minnen hier
Der penitenten aduocaet.
Die haer sonden besuchten
Alle menschen die tot v vluchten
Ghi minlijc in v gracie ontfaet
8.
Ghi en verdrijft v minnaren niet
Noch en vergheet die ws ghedinct
Elck hem verhuecht die v aensiet
Alle licht in v aenscijn blinct
Dwelc verblijt den hemel binnen
Mids uwe woerden van minnen
Men daer eewelic singt en sprinct
9.
Wie dat van v hier oyt yet badt
Sijn begeerte hi ontsinc
Ick neme v voer minen schat
Dat geeft mi o hemelsce coninc
In een godlijck ghebruyken
Wilt mi in v armkens luycken
Dit begheer ick voer alle dinc.
|
|