Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die seluc wise1.
MAria maghet reene
Des sondaers toenerlaet ||
Ghi sijt schoon/ suuer/ reene
Daer minen troost aen staet
2.
Al ben ick vol misdaden
O hoochste vrouwe vry
Fonteyne van ghenaden
Toont toch v duecht aen mi
3.
Vrijdt ons van allen sonden
O schoonste ooghen opslach
Op dat ick tot allen stonden
V lief kint dienen mach.
4.
In v is sulck vermoghen
Wat ghi aen God begheert
Elck mach bi v verhoghen
Troost mi scoon bloeme weert
5.
Aen v stelle ick al tsamen
Mijn siele/ lijf/ ende goet/
O bloeme vry van blamen
Neemt mi in v behoet.
6.
Princesse hoochste verheuen
Voer al dat God gheboot
Bewaert ons in dat leuen
Beschermt ons van alder noot
|
|