Een devoot ende profitelyck boecxken


N^o. XLIII.aant.
ℂ Op die selue wise. 1. HEt quamen drie coninghen ghereden Wel verre wt orienten lant Tot Bethleem der steden Haers ghelijc men noyt en vant 2. Te Ierusalem so wij horen Aldaer so wouden si sijn Si vraechden waer is hi gheboren Der ioden coninc sijn 3. Wij comen hem aenbeden Wij hebben sijn sterre ghesien Het is seer corts gheleden Het moet wonder bedien 4. Als Herodes dat verhoorde. Wel seere ontsach hi hem. Van binnen hi hem verstoorde Ende alle Hierusalem 5. Hi beual hen te gane Hi sprack gaet soect dat kint
[pagina 65]
Ga naar margenoot+ Ick wilt oock beden ane Coemt segt mi als ghijt vint 6. Als si buten Ierusalem quamen Op dyen seluen tijt Haer sterre si weder vernamen Dies waren sij seer verblijt 7. Die sterre was hen voer gaende Tot daer dat kindeken was Ende daer bleef si staende Sij buychden neder int gras 8. Een huysken sonder doren Dat vonden sij daer bi Ende dat kindeken gheboren Van Maria die maghet vry. 9. Sij vielen opter eerden Voer tkindeken. xiij. dagen out Sij offerden hem met weerden Wierooc/ myrre/ en gout. 10. Snachs als si slapen wouden Heeft hen Gods engel gheopenbaert Eenen anderen wech dat sij trecken souden Tot haren lande waert. 11. Nu louen wij alteenen Dat kindeken weerdelijck Dat hi ons wil verleenen Hier nae sijn eewich rijck	margenoot+ Fo. xxvij.^r-Fo. xxvij.^v