Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 64]
| |
ℂ Op die selue wise.1.
O Ihesu heere hier bouen
Lof moet v altoos sijn
This recht dat wij v louen
Al om den name dijn
2.
Want hi is alsoe soete
Der sielen medecijn
Het is alder qualen boete
Ende troost van alle pijn.
3.
So wie dat bidt den vader
Doer Iesus name fijn
Hi crighet alle gader
Lof soete heere mijn
4.
So wie dat hem wil minnen
Die moet hem volghen nae
Ende mercken wel van binnen
Waer dat hi henen gae.
5.
Want Iesus is ghegangen
Doer pijn ende liden groot
Voer ons heeft hi ghehangen
Ende sterf die bitter doot.
6.
Wie met hem wil verbliden
Die sal dat wel verstaen
Dat hi hier oock moet liden
Alsoe hi heeft ghedaen
7.
Mer wie daer voer vergrouwet
Ende altoos in sonden sijn ||
Die en mogen niet anseouwen
Hier nae sijn claer aenschijn
8.
So wie in druck verhogen
Ende liden blidelijck
Die sullen hier nae moghen
Besitten dat eewighe rijck
9.
O Iesu lief van minnen
Lof si v tot alder tijt
Laet ons v rijck ghewinnen
O heere ghebenedijt
|
|