Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 66]
| |
ℂ Op die selue wise1.
ICk weet noch drie ghesusterkens
Die ongestoruen sijn
Dat si God niet en vreesen
Des lijdt mijn hertken pijn
2.
Och maechdekens ghi moet beghinnen
Die wile dat ghi hebt den tijt
Al sijt ghi noch ionc van iaren
Ghi en hebte gheen respijt
3.
O maechden ghi moet beginnen
Die wile ghi hebt den tijt
Oft ick wil van v varen
Ende soecken mijn profijt
4.
Paulus heeft ghesproken
Soe veruaerlijck een woert
Die leuet naden vleesche
Moet steruen die eewige doot.
5.
Wee der armer sielen
Diet al betalen moet
Laet ons voer God gaen knielen
Dat hi sijn sentencie versoet
6.
Och leuen wi naden gheste
Ende hebben de vreese van God
So en doruen wi niet sorghen
Alvoer die eewighe doot.
7.
O maechdekens van onsen conuente
Dit is ter eeren van dy
Ick ben noch arm van duechden
Bidt Gode dat hi mijn hertken verbly
|
|