Een devoot ende profitelyck boecxken


N^o. XLVI.
ℂ Op die selue wise 1. HEer Iesus en sijn beminde Die dragens wel ouer een Sy moet der sinnen steruen Ende latent al/ om een 2. Och siele/ och edel siele Wel lieue dochterkijn \|\| Keert u van buyten inne Die vruecht is al in mi 3. Hoe mocht ic dat gheleeren Ick ben so onbereet Ende onghestelt van binnen Te doen dat God begheert 4. Ghi sult mi wel betrouwen Ghi en dorft v niet ontsien Ghi sult mi so hoghe bescouwen Wildy die dinghen vlien 5. Die siele die was seer wise Sy dachte in haren gront Ick wil vertiden mi selue So wort mi de waerheyt cont 6. Doen wert bedruct nature Ende sprac/ wat is benomen my Het ghene dat minen sin wel beualt Hoe salt ghelaten sijn. 7. Die gheest sprac natuerken Merct wat is ghespruyt in di
[pagina 67]
Ga naar margenoot+ Een boom met quade vruchten. Doet wt dat wortelkijn. 8. Ick heb v trouwe belouet Bouen alle die ick weet. Ay heere sijt mijns ghenadich Al ben ick onbereet. 9. Hebdy mi veel belouet Met wercken qualijc volbracht Dat sal ten wtersten daghe Hooghelijck sijn gheacht. 10. Maer wilt ghi v bekeeren Noch wil ick v ontfaen In alsoe groter minnen Oft ghi noyt en hadt misdaen.	margenoot+ Fo. xxviij.^r-Fo. xxviij.^v