Een devoot ende profitelyck boecxken

N^o. XXXIV.aant.

ℂ Op de selue wise/ ost op Het voer een maechdeken ouer rijn.

1.
ALs Ihesus sal rechtueerdich sijn
Ende ic sal daer onuerdect sijn.
Och lacy ende wacharmen
Wie sal mijnre dan ontfermen
2.
Den rekenboeck is open ghedaen
Men leest mi daer een cort vermaen
Hoort toe/ hier is alle v leuen
Gheringhe ghi moet rekeninge gheuen.
3.
Och rekeninge is mi ongereet
Gods aenscijn valt mi te wreet
Die cracht die wil mi falen
Hoe soude ick dat verhalen
4.
Ic en sie mi seluen geenen raet
Mi volcht alle mijn grote misdaet
O doot waerdy verloren
Waer toe sidy dan gheboren
5.
Al baedt al dat inden hemel staet
Ten baet voersprake noch aduocaet

[p. 55]

 

⁺

 

Ick en cans niet al ouerdincken

 

O berghen wilt op my sincken.

 

6.

 

Nu is den trooft voerby ghegaen

 

Blischap der werelt en mach nyet staen

 

Ioncheyt heeft mi bedroghen

 

Lanck leuen heeft mi ghelogen

 

7.

 

Waer is v duecht/ v brulostcleet

 

Spreect op laet sien/ toont v bescheel

 

Wat hebt ghi goets bedreuen

 

Waer is uwen tijt ghebleuen.

 

8.

 

Weest mi genadich Iesu soet

 

Doer v sweet en doer v bloet

 

Ende wilt mi niet verdoemen

 

Als ic ten oerdeel sal comen

 

9.

 

Soe wie dit leest/ singt/ oft siet/

 

Die dencke op dat grote verdriet.

 

Wilt v in tijts bereyen

 

So en dorfdy hier namaels niet screyen.

+ Fo. xxi.^v-Fo. xxij.^r