Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
VAstelauont vals bedroch
This recht dat ick v hate
Ghi cont wel van Gods kinderen
Verdoelde scaepkens maken
| |
[pagina 54]
| |
2.
Die werelt spreect ons blidelijck aen
Wilt ghi ons so haest begeuen
Ghi sijt noch ionc/ ghi hebt den tijt
Ghi moecht noch langhe leuen.
3.
De nature is seer haest ghenoodt
Si en can haer niet bedwingen
Waer ick nu inde werelt noch
Daer soude ic dansen en springen
4.
O lacy het moet ghelaten sijn
Ic en mach daer nu niet gangen
Ic heb mi onder een ander ghegeuen
Dus bliue ick gheuangen
5.
Mi coemt so dick in minen sinnen
Wat mach ic hier binnen maken
Mijn herte is so dick beswaert
Ick en can God niet ghenaken
6.
O lacy het moet ghelaten sijn
Ick moet nu leeren deruen
Nature eest v lief oft leet
Ghi moet v leeren steruen
7.
Och steruen ghi sijt een hert ghelach
Die v te rechte sal proeuen
Voerwaer ten is gheen ongelijc
Al is mijn herte dicwijl droeue
8.
O kint en ghelooft die werelt niet
Al thoont si v een schoon ghenuecht
Want si met haren stricken valsch
Menich goet herte treckt van der duecht
9.
Ick sie wel ic mach wel wacker sijn
Bi daghen ende oock bi nachten
Want de vyant schiet soe menighen pijl
Om deuote herten te versmachten
10.
Ick wil om keeren/ tis meer dan tijt
Dat ick dat cleyne om tgroote gheue
Op dat ick niet daer buyten en blijf
Als die sotte maechden deden
11.
Als ick dencke op dat herde woert
So wort mijn herte swaer beladen
Voerwaer voerwaer ick en kenne v niet
Ghi coemt oock veel te spade
12.
O Maria staet ons nu bi
En wilt ons troost verweruen
Op dat wi na dese corte tijt ||
Ghenade moghen verweruen.
|
|