Een devoot ende profitelyck boecxken

N^o. XXXI.aant.

ℂ Op die selue wise

1.
ICk ben bedruct wie sal my troosten
Waer sal mijn hertken om drincken gaen
Druyfkens sijnder voer mi ghesneden
Den wijn is in den kelder ghedaen
2.
Den kelder is voer mi ghesloten
Och lacy ic mach wel droeuich sijn
Hoe soude ick aen den slotel gheraken
Ick dronck so gaerne den edelen wijn
3.
Hoe soude ic aen den slotel gheraken
Ic dronc so gaerne den edelen most
Waer sidy vrou der ootmoedicheden
Ghi sijt altijt den slotel daer of
4.
Ghehoorsaemheyt ontdoet de duere
Ghestadighe minne sonder verganck
Laet ons gaen drincken den edelen viane
Och ewich doot het is so lanc.
5.
Ten baet gheen suchten/ ten baet gheen clagen
Die rekeninge moeter ghehouden sijn
Ick werpe nu alle mijn minne || brieuen int asschen
Ick vinde mi seluen so cleynen wormkijn
6.
Ick en wil mi seluen noch niet mistroosten
Ick wil mi gaen gheuen goeden moet
Ic wil gaen vlieghen aent cruys ons heeren
Dat is dat slotelken dyet al op doet.
7.
O edel siel hoe is v te moede
Als ghi aent cruce sijt ghestaen
Ende v die coninc wt alder minnen
Den kelder heuet op ghedaen

[p. 53]

 

⁺

 

8.

 

Hi gaet daer schincken/ wij gaen daer drincken

 

Och droncken moeten wij alle sijn

 

Wie sal daer tghelach betalen

 

Die coninc die aent cruce hinc

+ Fo. xx.^v-Fo. xxi.^r