Een devoot ende profitelyck boecxken

N^o. XXVIII.aant.

ℂ Dit nauolgende liedeken gaet op die wise
Och had ick eenen ghetrouwen bode/ oft op mijn heere van valckesteyn/ oft op dese noten

1.
COemt ons te hulpen lief van minnen
Want wi sijn in groter noot
Sullen wi den strijt verwinnen
Wij moeten steruen menighen doot.
2.
De werelt/ duuel/ ende vleesch
Die sijn te mael op ons gheset
Sij hadden gaerne haren eesch
Om ons te brengen in haer net
3.
Si gaen ons aen tot allen siden
Ons behoeft wel goeden moet
Sullen wi haer scutten ontuliden
Het moet ons costen vleesch en bloet.
4.
Die op sijn hoede niet en steet
En sijn huys laet onbeurijt
Hi wort verwonnen eer hijt weet
Want hem die vyant niet en mijt
5.
Ten mach niet sijn ghespaert
Strijt vromelijc tot alder tijt
V herte/ v sinnen wel bewaert.
Oft ghi werdt der heelder seghen quijt.

[p. 50]

 

⁺

 

6.

 

Want hier en is gheen sekerhede

 

Mer te striden tot alder vre ||

 

Want wij sijn in sulcke stede

 

Wi moeten striden alwordet suere

 

7.

 

Wat wi wenschen of begeren

 

Het moet ymmer costen meer

 

Al soumen vlees en bloet verteren

 

Natuer moet liden menigen seer.

 

8.

 

Niemant en ontsie hem der pinen

 

Want het moet sijn geauontuert

 

Ten baet niet dat wij heylich schinen

 

Eest metten wercken niet besuert.

 

9.

 

Aldus wilt vromelijc striden

 

God die heere salt voersien

 

Voer den strijt die ghi moet liden

 

Sal v noch grote vruecht gheschien

 

10.

 

Maria suyuer maget puere

 

Wilt hen doch in staden staen

 

Die striden tegen haer natuere

 

Dat si die eewige vruecht ontsaen.

 

Amen.

+ Fo. xviij.^v-Fo. xix.^r