Een devoot ende profitelyck boecxken

N^o. XXVII.aant.

ℂ Op die selue wise

1.
AL dat leeft opter aerden
So watmen met oogen ansiet
Hoe groot dat is van weerden
Ten mach mi verbliden niet
Voer dat ic come hier bouen
Tot die vruecht der falicheyt
Daer die engelen altijt louen
Die hooghe drieuuldicheyt
2.
Claerder dan duysent sonnen
So blinct daer Gods aenscijn
Wie sout begripen connen
Hoe vrolijc dat si daer sijn
O alle die seraphinnen
Sij staen daer blidelijck
Ende alle die Cherubinnen
Sij louen God alle ghelijck
3.
Den dach der falicheyt
Die is daer op ghegaen
Met grooter vrolicheyt
Sal hi daer altijt staen
Eewelijck sal daer dueren
Der enghelen lof ende sanck
Daer en is gheen dach noch vren
Noch sonnen onderganck.
4.
Die straten sijn vergulden
Die mueren des selfs ghelijck
Die torren bouen maten
Sijn schoon ende costelijck
Die poorten alle gader
Sij sijn van peerlen sijn
Hoe schoone wter maten
Soe moet die werckman sijn
5.
Dauid met sijnder herpen
Hi maect daer groot gheschal
Dat steden ende dorpen
Sij moghent hooren al.
Hy roert sijn soete snaren
Also hi te doene plach
Och hondert duysent iaren
En schijnt daer niet eenen dach
6.
Al in des hemels throone ||
Och God daer niet en waer
Om gheender lieden doene
En wilde ick niet wesen daer

[p. 49]

 

⁺

 

Inden afgront vander hellen

 

Wilde ick veel lieuer sijn

 

Met Iesum daer versellen

 

Aenscouwen sijn claer aenscijn

 

7.

 

Noch is daer een soe schone

 

Die hemelsche coninghinne

 

Met haren lieuen sone

 

Regeert si dat ghesinne.

 

In al der enghelen choren

 

Die heylighen des ghelijck

 

Daer toe is si vercoren

 

Dat maechdeken suyuerlijck

+ Fo. xviij.^v