Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
MAria scoon bloemken reyne
Ghi sijt mijn toeuerlaet
Aen Iesus v kindeken cleyne
Voer uwen dienaer gaet
En bidt hem doer sijn biter doot
En doer sijn dierbaer bloet
Dat hi ons int ghemeene
Al neme in sijn behoet.
2.
Maria Aarons gaerde
Diet goddelijc bloemken droech
Ghi waret alleen opt aerde
Daer God sijn ogen op sloech.
Ghi waert voer God so groot
Ghi waert voer God so groot
Dus wilt ons doer v weerde
Beschermen inder noot.
3.
Ghi sijt die gulden arcke
Int oude testament.
Daer ick v doer bemercke
In duechden excellent
Onbeulect een spieghel claer
Onbeulect een spieghel claer ||
| |
[pagina 48]
| |
Dies stelle ic mi te wercke
Tot uwen dienst int openbaer.
4.
Aent geerdeken sidy besloten
Mer dat vol bloemkens wies
Met dauwe wert ghi begoten
Dats Gedeons edel vlies
Dus reyct mi nu v hant
Dus reyct mi nu v hant
So en wort mijn siel nyet ghesteken
Al inder hellen brant
5.
Ghi sijt die godlike stede
Daer Iesus in heeft gherust
Doer v quam pays en vrede
Den twist wert doen ghesust
Tusscen ons ende die godheyt claer
Tusscen ons ende die godheyt claer
Dus wilt ons doer v bede
Beschermen voer ons misbaer.
|
|