Een devoot ende profitelyck boecxken(1889)–Anoniem Devoot ende profitelyck boecxken, Een– Auteursrecht onbekend Vorige Volgende [pagina 46] [p. 46] Ga naar margenoot+ No. XXV. 1. Aenhoort ick sal beghinnen Om te singen een nieuwe liet Ontstelt ben ick van binnen En mijn hert lijt swaer verdriet Van duechden ben ick bloot Van duechden ben ick bloot O scoonste bouen alle vrouwen Troost mi in mijnder noot 2. Die werelt heeft mi bedrogen Deerlijck ben ick verleyt Wellust heb ick gheploghen Ende solaes met vrolijcheyt. Van duechden ben ick bloot Van duechden ben ick bloot O hemelsche coninghinne Troost mi in mijnder noot 3. Minen tijt heb ick versleten Al in sonden menichfout Mijns selfs heb ick vergheten Eylaes dat mi seer rout. Van duechden ben ick bloot Van duechden ben ick bloot O moeder ende maghet reyne Troost mi in mijnder noot 4. Mocht ick troost verweruen So waer mijn herte ontlast Maer ick duchte voer deewich steruen Want mijn cranckheyt daghelijcx wast. Van duechden ben ick bloot Van duechden ben ick bloot O edel besloten fonteyne Troost mi in mijnder noot [pagina 47] [p. 47] Ga naar margenoot+ 5. Rijck God wilt mijns ontfermen Ick ligge in sonden swaer Ende wilt mi doch beschermen || O Maria maghet eerbaer Van duechden ben ick bloot Van duechden ben ick bloot O moeder der ontfermherticheden Troost mi in mijnder noot. 6. Wat baet mijn bancketteren En houeren nacht en dach Braggheren en triumpheren Dat ick wel beclaghen mach Van duechden ben ick bloot Van duechden ben ick bloot O Maria der sondaren hope Troost mi in mijnder noot 7. Ick wil voort aen bedwingen Mijn vleesch/ tot quaet gheneycht Ende vruecht met droefheyt mingen Want die heere heeft mi ghedreycht Van duechden ben ic bloot. &c. O troost van alle sondige herten Troost mi in mijnder noot 8. Niet meer en wil ic singhen Van deser werelt iolijt Ick mocht die sommige bringen In druck ende ydelheyt Voert eerbaer regiment Altijt opt eyndeken denct So suldy/ als den tijt sal comen Ghepresen worden excellent 9. Princesse hooghe ghepresen In des hemels firmament Doer v ben ick ghenesen In mijn herte staet ghi gheprent Van duechden ben ick bloot Van duechden ben ick bloot O scoonste bouen alle vrouwen Troost mi in mijnder noot margenoot+ Fo. xvij C i.r margenoot+ Fo. xvij.r-Fo. xvij.v Vorige Volgende
Auteursrecht onbekend Auteursrecht onbekend Auteursrecht onbekend
Auteursrecht onbekend
Auteursrecht onbekend