Een devoot ende profitelyck boecxken

[p. 45]

⁺

+ Fo. xvi.^r-Fo. xvi.^v

N^o. XXIV.aant.

1.
Ick weet een vrouken welbereyt
Aen haer staen alle mijn sinnen
Met haerer groter minlicheyt
Trect si mi tot haerder minnen
Tes recht/ si is soe schoon
Haer wesen is so wel ghedaen
Daer bouen in tshemels troon
2.
Dit maechdeken was ghegenereert
Al sonder sondich seer
Erfsonde was van haer geweert
Dat en had noyt mensche meer.
Si was daer af voersien
Des vaders woert der eewicheyt
Soude rusten in haer engien ||
3.
Doen dat maechdeken ionck geboren was
Van alle sonden onbesmet
Reyn also die prophete las
Al onderdanich die wet.
Si wies in duechden voort
Haar dienaer wil ick altijt sijn
Alsoe daer toe behoort.
4.
Gheen schoonder maghet en was gheboren
Want si is der duechden scrijn
Haren name is so soet om horen
Het is des sondaers medecijn
Gheen scoonder bloem en leeft
Wie met minnen op haer peyst
This wonder dat hi sneeft.
5.
Nu peynst hoe is die maecht ghenaemt
Minne heb ick daer aen gheleyt
Ick wil haer dienen alsoot betaemt
Tis recht/ want si is bereyt
Haer dienaer wil ick sijn
Want God haer bede nyet en ontseyt
Dat is claer/ ende waer aen schijn.
6.
Die maget is heylich tot allen stonden
Ootmoedich ende ongheueyst.
Ten wert noeyt sonde in haer gheuonden
Noch sonde van haer ghepeyst
Wie hoorde oyt soeter duecht
Wie met minnen om haar peyst
In hem so wast een vruecht.
7.
Dye moeder diet maechdeken droech
Si was vol eerbaerheden
Hoe vriendelijck dat fy op dat maechdeken loech
Aensiende haer goede seden
Ick segghe v al sonder waen
Die met temptacien was belast
Haer siende twas al ghedaen.
8.
Metten Patriarcken heeft sy deel
Ende metten propheten mede
Si is Apostolinne al gheheel
Si heeft martelaren sede
Si heeft confessoren duecht
Si heeft alder maechden eerbaerhede
Ende oock alle der enghelen vruecht
9.
Ni bid ick elcken die name draecht
Al vander kerstenen wet
Dat hi der maecht elcken dach ghewaecht
Al met een schoone ghebet
Sy is troostersse inder noot
Sy can verdwijnen sduyuels cracht
Wanneer dat coemt die doot. ||