Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Dit is de wise Het viel eenen coelen dauwe/ ende gaet oock op die wise van Paep heer aert. oft op die wise vanden lodderliken pape. Het viel eens hemels douwe
Al in een maechdekijn.
Ten was nye beter vrouwe
Dat dede een kindekijn ||
Dat van haer wert gheboren
Ende si bleef maghet fijn.
O maghet wtuercoren
Lof moet v altoos sijn
| |
[pagina 35]
| |
2.
Die maget ghinc mit kinde
Gheen swaerheyt en ghinc haer an
Als Ioseph dat versinde
Die goede rechtueerdige man
Hi dacht ick wilse laten
Ick en ben die vader niet
Ende trecken mijnder straten
Eer mi meer scanden geschiet.
3.
Al van des hemels throne
Sprac hem die enghel an
O Ioseph Dauids sone
O weerde salighe man
Blijft alle beyde te gader
This bouen natueren cracht
Dat God almachtich vader
In haer dus heeft gewracht
4.
Corts daer na is comen
Een keyserlijck ghebot
Dat niemant wtghenomen
Hi en quame sonder spot
Van daer hi waer gheboren
Ende brachte sijn tribuyt
Dat dede men daer horen
Ende roepen ouer luyt.
5.
Maria en Joseph mede
Quamen te Bethleem waert
Want dat was Josephs stede
Als ons de scrifture verclaert
Sij en mochten nergens inne.
Men wijsdese altijt voort
Die hemelsche coninginne
En was daer niet ghehoort.
6.
Int velt hebben si vonden
Een huys seer dinne ghedaect
Binnen so corten stonden
Hebben sy daer logijs ghemaect
Daer wert die maghet moeder
Al sonder wee oft sonder pijn
Van smenschen sone een broeder
Hoe mocht hi ons naerder sijn
7.
Wt moederliker minnen
Leyde si hem op haren schoot
Haer herte verblide binnen ||
Dat dede sijn mondeken root.
Si custe hem aen sijn wangen
Hi suchte menichfout
Daer hi quam sijn gheuangën
Verlossen ionck ende out
8.
Maria suyuer fonteyne
Daer God sijn ruste aen nam
Bidt voer ons al ghemeyne
Ende versoent dat godlijck lam
So dat wij moeten gheraken
Met hem int soete dal
Daer vruecht is bouen maten
Die eewelijck dueren sal.
|
|