Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Dit is dye wijse: O Venus bant: o vierich brant. 1.
O Iesus bant/ o vierich brant
Hoe vast houdi mi in v bedwanc
Ghi sijt al mijn meenen.
Ten dede v troostelic onderstant.
| |
[pagina 31]
| |
Nemmermeer en leedic dit nauwe bedwanc alteenen.
O heer wilt mi troost verleenen ende verleenen
2.
O roose gaert o minlijc aert
Ghi zijt alleen mijn toeuerlaet
V wil ick en anders gheene ||
Ghi sijt mijn troost mijn toeuerlaet
Ghi weet wel dat sorgelijck met mi staet
Alteenen
O heer wilt mi troost verleenen
3.
Der werelt raet is dicwils quaet
Ic bid v dat ghijt verstaet
Altijt brengt si druc en weenen
Nu mogende God moet ymmer sijn
Soe sette ict inden wille dijn
Alteenen
O God wilt mi troost verleenen.
4.
O vrient int schijn/ en is niet te sijn
Hoe wee doet ghi dat herte mijn
Het doet mi dickwils weenen
Het doet mijn herte seer grote pijn
Het is al bedroch en valsch fenijn
Alteenen
O God wilt my troost verleenen.
5.
Die swane singt/ wanneer haer dwingt
Die doot diet al te niete bringt
Dus volge ick haer ghemeene
Al is bedruct dat herte mijn
Nochtans thoon ic een bly aenschijn
Alteenen
O God wilt mi troost verleenen.
|
|