Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Dit is die selue wise.1.
MEt vruechden willen wi singen
In defen bliden tijt
Heer Iesus wil ons bringhen ||
Al in sijn eewich rijck
Daer toe is hi gheboren
Van eender maghet fijn
Hi stelpt des vaders thoren
Dat soete kindekijn
2.
Wt Iesse is ghesproten
Een edel bloeme lof saem
Daer is ons wt gheuloten
Een bloeme/ dat godlijck lam.
Hi bracht ons offerhande
Dat edel leuen sijn
Hi brack der hellen bande
Dat soete kindekijn.
3.
Die oude vaders alle
Die laghen inder noot
Met alsoe grooten ghescalle
Ende met versuchten groot
Ter stont dat sy begheerden
Dat soude gheboren sijn
Al vander suyuerder gheerden
Dat soete kindekijn.
4.
Maria die suyuer gaerde
Die noyt ghenoemt en vant
Eer noyt man quam op aerde
Was si met God bekant
Van minnen om ons te troosten
Dat dedese wel aen schijn
Lof hebt ghi die ons verloste
Dat soete kindekijn
5.
Die engelen van den throne
Ende al dat oyt leuen ghewan
Bekenden Marien sone
Sonder die wreede man
Herodes valsche heere
Dat dede hi wel aen schijn
| |
[pagina 29]
| |
Want hi benide seere
Dat soete kindekijn
6.
Herodes wat baet v sorghen
Ghi sijt van herten blint
Gheen dinck en is verborgen
Al voer dat ionghe kint
Hi en mint gheen aertsce dingen
Sijn rijck is sonder termijn
Wat wilstu dan verdringhen
Dat soete kindekijn?
7.
Sal ick moeten verliesen
Mijn eer/ mijn goet/ mijn lant
Het sal daer om verkiesen
Die doot van mijnder hant.
Ende kinderen van veel winen
Al inden lande mijn
Het salder oock mede bliuen.
Dat soete kindekijn
8.
Herodes heeft voerwaren
Van sinen sin ghemist
Dat kint is hem ontuaren
Met goddeliker list.
Daer moesten sijt bekermen
Veel kinderen dats wel aen scijn
Om dat hi woude bederuen ||
Dat soete kindekijn.
9.
Drie coningen wt Orienten
Sij hadden des kints ghewout
Sij brochten hem in presenten
Myrre/ wieroock/ ende gout.
Daer mede dat sij bewesen
Sijn macht/ sijn rijck/ sijn pijn
Daer mede heeft ons ghenezen
Dat soete kindekijn
10.
Die engel quam ter spraken
Ioseph den ouden man
Ghi moecht v wel henen maken
Ende varen nu hier van
Herodes wil doen dooden
Den soeten schepper dijn
Behoedt van allen nooden
Dat soete kindekijn.
11.
Eenen ezel ghinc hy bereyden
Hi en lette niet een twint
Daer op sette hyse beyde
Die moeder ende haer lief kint
Te Egipten voeren sij henen
Aldoer die wilde woestijn
Sijn macht heeft daer gheschenen
Dat soete kindekijn
12.
Sij quamen in corter stonden
Daer stont eenen palm boom
Met vruchten dat sij hem vonden
Maria nam des goom
Hier onder moet ick rusten
Sprack si dat maechdekijn
Met vruechden ende met lusten
Ende mijn lief kindekijn
13.
Doen si was gheseten
Maria die suyuer maecht
Wijndaden moet ick eten
Van des die palmboom draecht
Mijn herte dat heeft ghequolen
Herodes valsch fenijn
Dat ick dus vroech moet dolen.
Ende mijn lief kindekijn.
14.
Doen Iesus was gheseten
Op sijnre lieuer moeder scoot
Hi en hadde des niet vergheten
Want hi den boom gheboot
Dat hi hem boech ter aerden
Al voer die lieue moeder sijn
| |
[pagina 30]
| |
Van des haer herte begeerde
Ende haer lief kindekijn.
15.
Die boom van suyuer vruchten
Neychde neder sinen top
Al voer Marien voeten
Daer stonden wijndaden op
Sij plucten alle beyden
Al voer des hongers pijn
Des moghen wij ons wel neygen
Voer dat soete kindekijn
16.
Een suyuer claer fonteyne
Al wt der aerden spranck.
Om Iesus wil alleyne ||
Maria daer wt dranck
Ende Ioseph oock die oude
Dat dochte hem wonder sijn
Hi loefde menichfoude Dat.
17.
In deser suyuer feesten
Sijn si gheuaren voort
Aldoer die wilde foreesten
Sy deden haer confoort
Sy quamen daer visiteren
Al sonder fel begrijn
Den heere alder heren.
Dat soete kindekijn
18.
Doen sij quamen met allen
Al in Egipten lant
Daer sijn sy alle gheuallen
Die afgoden diemen daer vant
Si en conden niet verdraghen
Dat goddelijck aenschijn
Dat sy daer comen saghen
Dat soete kindekijn.
|