Een devoot ende profitelyck boecxken

[p. 26]

⁺

+ Fo. vi.^r-Fo. vi.^v

N^o. VII.aant.

ℂ Op die selue wise

1.
ICk wil mi gaen ontladen
Ende verlichten minen moet
Ende wachten mi van quaden
Dat sal mi wesen goet.
Van sonden wil ick mi keeren
In mijnder iongher tijt.
Ick bid v ghenade lieue heere
Want ghi ghenadich sijt.
2.
Mijn oogen moeten aenscouwen
Na dat ick heb verdient
Eest blischap ofte rouwe.
Soe rade ick minen vrient
Dat hi hem van sonden keere
Want cort is sinen tijt
Ick bid ghenade lieue heere
Want ghi ghenadich sijt
3.
Had ic voer tswaer verliesen
Ghepeyst dat waer mi goet
So soude mi god verkiesen
Als hi den salighen doet
Mer neen ic my rouwet seere
Alle minen verloren tijt
Ick bid ghenade lieue heere &c.
4.
Nyemant en derf hem poghen
Te comen daer God fy
Hi en moet na sijn vermoghen
Van sonden wesen vry
Ende dienen onsen heere
Wanneer hi heeft den tijt
Ic bid ghena. &c. Want ghi. &c.
5.
Noch soe wil ick hopen
Op God/ ende onser vrouwen
Gods gracie staet altijt open
Als ons die sonden rouwen.
Milde so is die heere
Onseker is onsen tijt
Ic bid ghena. &c. Want ghi &c. ||
6.
Aldus so wil ick temmen
Dat ionghe leuen mijn.
Dat ic namaels mach clemmen
Aldaer die salighe sijn
Daer is so lanck so meere
Blischap in alder tijt
Ic bid. &c want ghi. &c
7.
O radt van auontueren
Suldy niet omme staen.
Oft mi mocht troost ghebueren
Van dat ic heb misdaen.
Ic en fondichde nemmermeere
Al had ic wel den tijt
Ic bid. &c want ghi. &c.
8.
O god van hemelrijcke.
Ic stae hier als een arm man
Seer ellendichlijcke
Siet mi met uwer genaden an.
Gheeft dat ic mi bekeere
Het is my meer dan tijt
Ic bid. &c. want ghi. &c.
9.
Ouder mach ic worden.
Mer iongher nemmermeer.
Ende namaels onder der eerden
Ende laten goet ende eer.
Waer toe dat ic mi keere.
Altoos gaet minen tijt
Ic bid. &c want ghi &c.
10.
Ghestadich wil ic dienen

[p. 27]

 

⁺

 

Ende wesen onderdaen

 

Het staet noch te gheschieden

 

Dat ick sal moeten gaen

 

Van daer ic niet en keere

 

Nemmermeer te gheender tijt

 

Ic bid. &c. want ghi. &c

 

11.

 

Nu bidt voor mi ten besten

 

Ghi heylighen alle ghemeen

 

Al come ic nv ten lesten

 

Ick ben nochtans een

 

Daer Christus onse lieue here

 

Om sterf op eenen tijt

 

Ic bid ghenade lief heere

 

Want ghi ghenadich sijt

+ Fo. vi.^v-Fo. vij.^r