Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wijse1.
MEt vruechden willen wi singen
Ende louen die Triniteyt
Dat sy ous wil bringhen
Ter hoochster salicheyt.
Die eewelijck sal dueren
Och eewelijc sonder verganc
Och mocht ons dat ghebueren.
Och eewelijck is soe lanck.
2.
Leefden wi na die gheboden
Also wi leuen souwen
Ende dienden altoos gode
Ende onser lieuer vrouwen
Ende lieten ouer lijden
Die werelt in haren ganck
Wij souden hier na verbliden
Och eewelijck is so lanck
3.
Die bliscap is sonder eynde
Hier bouen int hemelrijck
Die wi daer sullen vinden
En heuet gheen ghelijck
Dat is dat godlijck wesen
Het schenct ons bliden dranck
Also wi hooren lesen ||
Och eewelijck is soe lanck
4.
Die engelen van hier bouen
Sij maken so grooten chier
Laet ons hem allen louen
Het ghelt ons euen dier.
So moghen wij verbliden
Ende singhen der engelen sanc
Tot eewelijcken tiden
Och eewelijck is so lanck
5.
Die heyligen alle gader
Sij maken groote feest
Sij loven God den vader/
Den sone/ den heyligen gheest
Als wij die sonden laten
Sij wetent ons groten danck
Sij verbliden bouen maten
Och eewelijck is soe lanck
| |
[pagina 25]
| |
6.
Maria die moeder ons heeren
Si is van ons verblijt
Wanneer wij ons bekeeren
In defer allendigher tijt
Maria maghet reyne
O edel wijngaert ranck
Bidt voer ons al ghemeyne
Och eewelijck is soe lanck
7.
Nu laet ons dienen gode
Dat rade ick ionck ende out
Ende houden sijn ghebode.
Ende louen hem menichfout
Dat hi ons wil beschermen
Al van der hellen stanck
Ende van dat eewich kermen
Och eewelijck is soe lanck.
|
|