|
| |
| |
| |
Acto IV.
Esena I: Roberto, Margarita, Elena, Mimichi.
Laga nos drenta aki den, ta mas ketu, i nos lo por conbersá mas na aire, sin hende pa scucha ni stroba.
Mi kera bisábu Margarita, cu Roberto a contámi su gran amor pa bo - pesei mi ke ofrecébo cu si tin cualke cos cu mi por haci pa yuda bosnan, mi ta completamente na bo ordi. Mi tin masha simpatía pa bosnan idilio.
Masha, masha danki, ta un consuelo ernome di sa, cu mi por steun riba bo Elena.
Ma ta pa kiko boso no a confiámi boso secreto promé, lo ma scapa boso foi tur e tutu aki.
Esta fuku mi tin! Ta con mi ta haci sali foi dje tutu aki awó? Margarita bo'n tin un solushon?
Desgraciadamente mi'n ta weta un salida, i pa colmo, mi'n cumpli 18 añ aínda, ke meen mi'n tin niets te zeggen.
Ma bo curazón mester por inspirábo un cos, maske ta un apoyo moral.
Con mi haci; ponébo na mi lugá - mi ta manera un prezu. Ademas Mai semper a haci tantu su best pa mi, cu awó cu el a sera e compromiso aki, kerendu cu ta pa mi bon, m'in por bai disgusté i causé un tow di verdriet.
Mimichi, bo ta kere bo por yuda nos?
| |
| |
Ta mi kuki! Caminda bo ta wetámi aki, mi curazón ta masha moli, mas ora mi weta dos hende cu ta stima otro asina. Ya tur mi curpa ta kishikí pa weta kon mi ta saca un zjeitu chiki-chiki pa salba e situashón.
Si, pero reflekshoná bon promé bo actua. Mi'n ke hanjámi den mas bruhandashi.
Según mi, ta un zjeitu grandi-grandi bo meste saca pa dera tur e chiki-chiki nan cu a fracasá.
Trabajo... so.
(Cu Margarita)
Cu bo Mama, baya, e señora ta asina bon hende, i e ta stimábu tantu, cu nos lo no tin dificultad pa conbensé, pero
(cu Roberta)
e trobbel ta Don Pepe. Don Pepe ta Peposo!
Ban saminá e potpouri: Si Margarita hala tras, Don Pepe ta bai bira furioso, i núha cuné; unabez e rabia, en ta bai ta na beis di duna su consentimentu pa Roberto casa cu Margarita - Pára, mi tin un inspirashón, nos mester weta di un manera of otro pa Don Pepe bedank Margarita.
Bo tin razón. Ei te cabuya!
Chapaleta! Loke nos mester, ta un galeinske sport, bon bistí cu hopi talent i dispuesto di junga rol di un dams di alta sociedad. Nos ta bistié elegante tur na cóla, nos ta duné nomber di un famia distinguí i nos ta conta Don Pepe cu e ta masha masha ricu; cu e tin un colecshón di cas, un cantidad di haciënda na Venezuela, y cu el a coje un cariñu especial pa Don Pepe.
Muchanan, mi ta pusta bosnan, cu ta sinta nos ta sinta
| |
| |
waak piscá morde i guli aas cu anzué cu linja cu tur. Pasombra Margarita, Don Pepe ta stimábo, ma caminda e tende e palaba placa, Don Pepe un sa junga.
Mester bisa cu e plan ta paree bon trahá.
Tur afó. Mi ta bakianu. Ya mi sintí a pasa riba un galeinske, cortá pa e rol ei.
Wel Mimichi, si bo logra mi ta ofrecébo cu lo bo sali di bon! Margarita, tur estén bo'n ta kere nos por a bai cuminzá prepará caminda ceka bo Mama - cu bo manera ‘charmant’ mi ta kere dificilmente un hende lo por ningábo algo.
Lo mi haci tur loke mi por.
| |
Esena II: Don Pepe, Roberto, Margarita, Mimichi.
(Sin cu nan weté, aparte)
Canayada! Weta Roberto chuku-chuku, ta soenchi man di su futuro madrasa, y futuro madrasa un ta juist ‘hala tras’ trek cara zier. Mi ke cu tin glaas ei bao. Mi meste studia un triki pa indagá e cos ei.
Auto ta cla na porta, ta warda bosnan.
Ya cu Pai no ke bai, a mi ta bai, pa compañá nan.
Absolutamente - Un tin nodi - Ademas mi tin meste di bo aki, mi tin un cos di regla cu bo.
| |
| |
| |
Esena III: Don Pepe, Roberto.
Bisámi un cos, con bo ta ban ja Margarita?
Si, mi ke meen, su
(gestos)
aire, belleza, gracia?
Esei un ta un rospondi drechi.
Wel francamente en ta un coi canta gai, mi ta hanjé un poco dómpi, caba e tin purunchi, y e ta laaf pa'n caba. Awó no kere cu mi ta bisa e cosnan aki pa disgustá Pai - madrasa pa madrasa, e of un otro, pa mi meskos ta keda.
Pero aworei ma wetábu, bon kuchi-kuchi...
Wel un ta Pai mes a suplicámi di traté cu cariñu?
Tin cariñu y tin ‘cariñu’
(ca...riñ...o). Di bo ta ‘ca... riñ...o’!!
Lástima, masha lástima. Bo ta haci tur mi plannan fracasá. Bo meste sa cu ora ma weté bande mi, ma hanja cu e diferensha di edad ta masha grandi, i cu público ta capaz capaz di tumámi haci pilaashi, pero una bez ma pasa mi palaba caba, mi'n kera haci cos i karké, y lagué in de steek - i ma meen di pidi ábo di casa cuné, si bo no tabata asina tegen.
| |
| |
Ta bèrde cu e no ta di mi simpatía, mi ta hanjé poco lieflaf. Pero lo mi por transa - si dje manera ei mi por yuda Pai.
Nò, mi ta razonabel, mi'n ta gusta forzábu haci un cos contra bo gustu.
Ach... pa complacé Pai...
Nò nò, casamentu di mala gana no por resultá.
Mi'n ta mind purba, podisé cu tempu lo mi bin gusté.
Purba? Ta soppi hende sa purba, ma casamentu... nò! Si bo tabata sinti maske ta un tikitu simpatía pé, lo vía ta otro cos, ma dado caso - mihó tur cos sigui tal cual i mi mes lo casa cu Margarita.
Pues ya cu t'asina... Laga mi papia abiertamente cu Pai. Berdad ta cu mi ta loco namorá di Margarita foi promé dia cu ma weté. Mi ta tin tur intenshón di papia cu Pai, i pidi permiso debidamente pa casa cuné, pero, net ora ma meen di papia, Pai a participá nos Pai su decishón; e ora ei natural ma keda boca tapá pa no trece disgustu.
| |
| |
Cu mas ha gracia, maske nan no tabata sa ken mi ta.
Ta pesei Margarita a keda tantu sorprendí ora el a topa mi aki.
Y ba declará bo amor, y bo intenshón di casa cuné?
Mas o menos. En por a laga di comprondé.
Si apariensha no ta gaña, mi ta kere e ta basta verliefd.
(Aparte)
Wel mi triki a traha tur afó bon.
(Duru)
Awó sépabo, cu e cos ei no por bai door. Lubidá. Saké foi bo cabez, stop di pursigui mi verloofde, i buta bo sintí pa casa cu e biuda cu ma destiná pa bo.
Esei yama wega di alons! Y net pasombra Pai a jungámi un cuba asina, mi ta sinti cu mi tin mas derechi cu nunca di bringa ‘vol uit’ pa conkistá Margarita. Nada mes lo no por stop mi i mi tin mi medionan.
Con, sinberguenza, bo tin curashi di ke purba lektu Margarita foi bao i mi nanishi?
Ken, ta Pai ke lektu e foi mi, t'ami a miré promé.
Bo'n sa cu mi ta bo tata, i cu bo tin cu respetá mi?
Den amor i den guera no tin ley.
| |
| |
Loke ta di mi ta di mi, te den port'e Sjon Arey!
Mare mi por hanja un coco macacu, pa mi por hamer poco sintí den bo cabez, sobèrbè cu bo ta!
| |
Esena IV: Don Pepe, Roberto, Mimichi.
Jesus ei, ta kiko ta pasandu aki?
Foei, no papia asina, bedaar, Semper mi'n yudábo?
E demonio ta muchu frepostu!
Ay Don Pepe, chiku pleitu.
Ma Roberto, ta con bo ta rebèlde asina?
Lagué!! Lagué bai na horca!! Na fièrnu!!
Foei, foei. Don Pepe po papia asina cu Don Pepe su mes jui. Ta kiko a sosodé antó?
Mimichi, mi ta laga bo mes juzga justicia dje caso aki, lo bo wet a cu ta'ini tin razón.
(Aparte)
Ata nos Ministra di Justicia, high time!!
Muy honrá.
(Cu Roberto)
Abo schuif un poco den hoeki.
| |
| |
(Cu Mimichi)
Ta cua di nos mester grita ‘esklooi’?
(Cu Roberto)
Bo'n por stop di chansa un poco?
(Cu don Pepe)
Mi ta cla pa scucha Don Pepe.
Wel, manera bo mes sa, mi ta namorá di Margarita i mi tin idea di casa cuné. Awó e canaya ei tin insolensha di namorá mes Margarita, i di prentendé cu é ke casa cuné.
Mi'n bisa! Ta un cos ongehoord - cu mi mes jui por ta busca moda di corta mi orea! Bo'n ta hanja cu pa respèt e meste ‘clear out’ compleramente i dunámi campo abierto?
Don Pepe tin perfecto razón. Keda un tiki aki banda, mi ta bai papia cuné.
Ola Mimichi - ya cu t'abo a wordu skojé como Juez lo mi weta si mi por sometémi na bo juicio - Go ahead! Laga lora!
Nò, mi ta bon Juez, mi meste tende di bo banda promé.
Mimichi, bo sa mi storia mihó cu mi mes. Ma bisa Pai cu t'ami a namorá Margarita promé, Pai ke pretendé cu Margarita ta di djé.
Ma un bieeuw krèkècbè asina, por tin brio di sinta plania casamentu. Ta pilaashi e ke haci di amor. Mimichi, bo'n ta hanja cu amor ta ocupashón pa hende jong?
| |
| |
Roberto, bo tin perfecto razón, ta bofonada. Wánta, lagámi bai papia dos palaba cuné.
(Cu Don Pepe)
Don Pepe su jui un ta asina pcstcr manera Don Pepe ta pensa, ma razoná cuné, i el a tuma den cu aworei su sanger a keinta i el a falta respèt, ma e ta dispuesto di kapitulá na deseonan di Don Pepe, basta Don Pepe tambe traté cu mas considerashón, i no purba di casé sino cu un hende di su agrado.
Danki Dios, alafín c ta birando razonabel; Mimichi, bisé pa mi cu fuera di Margarita, mundu hinté ta na su ordi pe haci su ‘choice.’
Ummm, lagami curi bai hiba e bon nobo aki.
Roberto, bo sa, Don Pepe un ta sina pester manera bo ta kere... El a confesá cu wel aworei el a sulfurá di mal moda, ma cu e ta dispuesto di kapitulá, basta bo tambe buta di bo parti, i traté cu tur respèt i cariñu cu un jui debe su tata.
Mimichi, bo por duné mi palaba di honor, cu si e consentí na lagámi casa cu Margarita, lo mi keda eternamente gradicí, i lo mi obedezé manera un laamchi.
(Cu Don Pepe)
Ta cla. Roberto ta completamente di acuerdo.
(Cu Roberto)
Finito. Don Pepe ta baja bandera.
Awó boso por sinta conchabá dushi-dushi cu otro aki.
| |
| |
Masha masha danki, Mimichi. Aworó nos lo topa.
Semper na bo ordi, Roberto - tabata un prèt pa mi.
Mimichi, ba hacími un homber feliz, bo merece un recompensa.
(Ta hinca man den sacu. Mimichi ta saca man. Don Pepe ta saca lenzu)
Cualké ora'sina lo mi corda di bo.
Jesus ma keda nanishi largu.
| |
Esena V: Don Pepe, Roberto.
Ta dweel mi di mi rabujentu djaworó'ei.
Ach un ta nada. Tur cos ta bon cu ta ca ba bon.
Masha aardig di Pai di bisa asina.
Asina pres un jui cumpli cu su debernan, un tata ta dispuesto di libidá su malacrianza.
Pai ke meen cu Pai a lubidá tur mi impertenenshanan?
Wel una bez mi ta wetábo asina sumiso, i asina mansu.
Mi ta jura Pai te dia mi muri, mi'n ta lubidá Pai su bondad.
Y ami ta primintíbo di haci pa boi di duna bo tur loke mi por.
Aínda mas? Si dunandu mi Margarita Pai a regalámi tur loke curazón di un hende por deseá!
| |
| |
Mi disi cu mi ta loco di alegría foi momentu cu Pai a consentí na mi casamentu cu Margarita.
Ken a consentí na bo casamentu cu Margarita?
Esaki ta grandi. T'abo a primintí di clear out!
Bo'n primintí di saké foi bo cabez?
Si mi ta más namorá cu nunca.
Kon! Atrobe bo ta cuminza?
| |
| |
Plega mi ta plegábo!!
(Exit)
| |
Esena VI: Roberto, Flecha
(Ta drenta foi porta di jardin cu un boco chikí den su braza)
Jesú mi tin suerte di daal cu Meneer aki! Bini cu mi lijé!
Bini cu mi, lo mi conta Meneer. Nos ta bon pará!
Don Pepe su pretu i wowo, su tesoro!
| |
| |
Mi ta conta Meneer, ma ban drama akifó. Mi ta tende un gritamentu.
| |
Esena VII: (Don Pepe só ta drenta gritando:)
Ladrón, ladrón, asesino, matadó. Justicia te den sjelu. Auxilio, nan a matámi, nan a corta mi garganta, nan a horta mi placa. Ta ken por ta? Ta unda el a bai? Undé ta? Unda el a scondé? Kon mi ta haci hanjé? Pa unda mi meste cohe? En tei? En t'aki? Ta ken tei? Pára! Halt, burdugu, dunámi mi placa! Ay... t'ami mes. Ay mi cabez ta toloondrá, mi'n sa unda mi ta, ken mi ta. Kiko mi ta haci. Ay Dios, mi pober placa! Mi pober placa! Mi bon amigu nan a rankábo foi mi, i sin bo, mi no ta nada, ma perde mi pilá, mi consolashón, mi alegría, tur cos a caba pa mi - Ya mi'n tin nada di buska riba mundu. Sin bo no ta pusibel biba, a caba - mi'n por mas, mi ta muri, ma muri - mórto! Un tin hende cu lo ke resusitá mi? dunándumi mi placa stimá back of bisandu mi ta ken a horté? Ehn? Kon bo di? Nò, un tin hende. Esun cu a horté mester a loer bon, i waak su chens, el a scohe nèt ora cu mi ta papia cu mi jui sinberguenza. Ban pafó. Mi mester bai yama polies pa nan bin ondervraag tur hende den cas, criá cu sjon cu tur - te asta mi mes.
Esta hopi hendc i cuá cu mi bista rak a ta parcémi sospechoso, tur mi ke cu por ta mi ladrón! Eh! Ta di ken nan ta papia ei? Ta dje'sun cu a hortámi?
Pa fabor, esún cu sá algu di mi ladrón, bisámi.
En bai sconde ei riba? Tur ta wetámi i nan ta cuminzá hari. Bo por jura cu nan tur a tuma parti den dje ladronisia aki. Ban weta, lijé, polies, dictè, recherche...!!!!!
|
|
Auteursrechtelijk beschermd