|
| |
| |
| |
Acto II
Esena I: Roberto y Flecha
Hei smeelap, ta con bo ke bati un dow dow asina?
Mi'n dunabo ordi di para warda mi aki?
Si meneer, y mi tabata pará aki ketu meskos cu e standbeeld dilanti cas di gouverneur, pero mi sjon su tata trabahoso, cu no tin ley cu mi, a wèg mi di mal moda.
Zó - y con ta bai cu nos asuntu? Pa bo sa cu e cuenta a complika masha pisá. Maginabu cu m'a discubrí cu papa ta mi rival, e tambe ta namorá di Margarita.
Con? Meneer su papa namorá?
Un por ta! Don Pepe namorá? Ay ta nek le ta nek. Don Pepe un ta hende pa namorá.
Wel até ta cana rond cu idea di casa cu Margarita den su cabez - caramba mi tin fucu.
Pakiko Meneer no ta conté di meneer su amor?
Pé sintami ainda mas dwaars? Ki rospondi ba hanja cerca e fiadó di placa?
Meneer sa, e fiadónan di placa ei ta hende masha canaya, momentu cu nos cerca nan, nan ta cla pa pluma nos - e sinberguenzanan ke probechá, saka 6 lomito foi un baca!
Bo ke meen ke cos ta mal pará?
| |
| |
No hinteramente - Simon, e coredor cu ta agenciando e trato pa nos, é mes no ta mal hende, el a bisámi cu meneer a cayé masha simpático y cu e lo haci tur su best pa nos keda satisfecho.
Mi ta hanja mi 15 mil florinnan?
Si, pero basta nos aceptá un dos condishoncitu chikitu.
Y ba topa e bru, fiadó di placa?
Ei te cabuya! Tur cos ta rondoná di misterio i secretu, ni su nomber nan no ta los. Mi'n tin un idea ta ken e por ta. Pero awe tardi nos lo sa, pasombra nan ke pa meneer bai topa cu ne, ne cas bashí di Sjon Wilmu riba ceru - e ta exigí di sa di ki famia meneer ta, i ki garantía tin pa duna. Ami ta calculá cu pareeuw e tende cu meneer ta jui di Don Pepe, nos ta cla. Lo e scupi loke meneer pidié.
Ta di spera asina, vooral ora e tende cu mi mama a muri lagámi algu tambe.
Ata aki mi tin e dos tres condishoncitunan cu e mes a skibi entregá Simon, nos coredor, caminda e ta stipulá su exigenshanan. Mi resé?
‘Supuesto cu, es fiadó
(gesto hacia atrás)
cu ta entregá e placa hanja tur cos di acuerdo, ésta, siguridad completo, i cu e fiadó
(gesto riba Roberto)
ricibidó dje placa ta hende major di edad, di famía ríku, i cu ta garantizá solidez di es préstamo aki, anto nan dos lo comparecé dilanti un notario honrado, cu fiadó
(gesto hacia atrás)
tin dcrechi di
| |
| |
nombra, pa firma i legalizá e acto debidamente’.
‘Fiadó
(gesto atrás)
cu ke tene su consenshi limpi i conserbá su bon nomber, lo no cobra ricibidó
(gesto riba Roberto)
mas cu 6% di gananshi di suma’.
6% por pasa - basta eerlijk.
Scucha. ‘Pero, como kiera cu fiadó
(gesto atrás)
no tin es suma completo den su poseshón pa entregá na ricibidó
(mes gesto)
i tin cu fié foi otro persona, cuyo persona e tin cu paga 10%, fiadó
(gesto)
ta exigí pa ricibidó
(gesto)
cubri e gasto aki, puesto cu ta únicamente pa complacé ricibidó
(gesto)
cu fiadó
(gesto)
ta fia e suma aki.’
Ca... ramba e diabel ta sinberguenza! Esei ke meen cu e ke pocket 16%. Ma ta un gangster di marca mayó!
Segun mi, nos mester check e asuntu ei!
Con ta haci check, mi mester dje placa, mi mester dje placa!
Ay, ay, ay, ta con t'asina!
Nò, un tikitu condishón mas.
Dje 15 mil florin cu ricibidó ta deseá, fiadó no por entregá na efectivo mas cu 11 mil, sobrá 4 mil lo wordu entregá na artículo - es decir - adorno, panja, prenda etc. etc. etc., - es artículonan aki riba mencioná a wordu ba-
| |
| |
luá na un suma masha elevá, ma fiadó magnanimamente lo laganan bai na prijs di baratillo.
Ata lista mes ta bini:
i cama grandi di mahok, stilo Bazjan Karpata, dje sorto cu tin 4 pilá cu baldakijn.
6 stoel di zoya pretu, cu maat di cabana.
i saiboor cu blaachi'marmer.
Bon, ta foi Museum el a sloop nan anto?
Ki e ke pa mi haci cu nan?
Scucha, t'awor nos a cuminzá!
i cauchi di para grandi colo di oro, cu 3 canari jong; ainda nan no a cuminzá canta.
Barka manda Ruba - pa muziekschool.
Ta sigui: i cueru di juana colo bèrde yená cu sas, bunita adorno pa cologá den cas.
i gramafón Victrola di kwèrde.
i boto di motor, sin motor.
4 palu di coco den tobo.
Nos por obsekiá D.O.W. pa dorna riba dempel.
E conjunto dje artículonan aki cu ta baal por lo muy menos 6 mil florin, lo wordu entregá pa 4 mil florin, ya cu fiadó tin desco di mustra su buena boluntad.
Mare diabel por spaat e foi otro cu su buena boluntad,
| |
| |
burdugo, houdief ke ta! Nunca ba tende di un afzetterij iguaal! No solo e ke coba saca un interés di cabaai, si no awó e ke obligámi acepta un stel di potoshi, cu ni na vindishi lo mi no por saca dòs placa foi nan - pió ta, nos no tin otro solushón. Mi man ta den boca di cachó!
Ya mi ta weta nos habriendo un pakús: ‘Nogoshi di Potoshi.’
Esta baaina no! Mi ra te na kiko un tata pichiri por expone su jui - ken por verwachtu pa un jui tratá dje moda ei laga di deseá fin di su tata?
Berdad, e t'asina fregá, cu e ta pone un santu mes pèrde paseenshi. Mi ta bisa meneer, ta un tentashón pa horta un homber a sina, mi dedenan ta hinca di gana, i mi ta sinti cu hortandu é mi ta hacindu un bon akshón!
Bo'n por pasa e lista ei mi studie un ratu?
| |
Esena II: Don Pepe, Simon.
Roberto i Flecha ta den fondo di esena.
Si Don Pepe, e cliente aki ta un jonkuman cu ta hanjé obligá di fia poco placa - e ta dispuesto di drenta cu tui Don Pepe su condisionesnan.
Y bo'n ta pensa cu nos ta curindu ningún risku cuné? Bo conocé su famia, bo sa cu nan ta hende pudiente i decente?
Wel asina leeuw cu mi por juzga, sí. Awó nos a keda cumbiní cu Don Pepe mes lo topa cuné, ne cas bashí di Sjon Willem riba ceru, i ei por sera conocí mihó y fiha tur
| |
| |
detaye. Informashón cu mi tin ta, cu su mania no ta na bida, y cu su tata ta putrí di placa, nan ta dos jui so, di moda cu si ta absolutamente nesesario, y si Don Pepe ta hiba di gustu, mi ta supone cu por regla pa Papa dobla rabu... esta si e ta den caminda...
Tin biá hende ta hanja nan obligá di regla... pa un ‘goeie doel.’
(Bos abao cu Roberto, wetandu Simon)
Ata nos compa Simon ta conferenshá cu Don Pepe!
(Bos abao cu Flecha)
Lo e sacafó ta ken mi ta, of t'abo a bai kleek?
(Cu Roberto i Flecha)
Caramba, boso sí ta kayente, ta ken a bisa boso di bini aki?
(Cu Don Pepe)
Mi ta sigurá Don Pepe, cu'n t'ami a duna nan ni nomber ni adres, pero enfin un ta sali malu, mi por introducí nan, nan ta hende discreto, y asina bosnan por conbersá riba tur loke bosnan ke sa di otro.
(Mustrando riba Roberto)
T'esaki te jonkuman ku ke fia e 15 mil heeldu.
Con? Mi jui por ta culpable di un oror asina?
Con? Mi tata por rebajá su nies na akshón dje caliber ei?
(Compa Simon ta laga cai i Flecha ta kore bai stonde)
Konke t'abo te ‘ricibidó’ cu ke ruiná su curpa?
| |
| |
Konke ta Pai te ‘fiadó’ cu ke primi hende pió cu lamoenchi bèrde?
Despues dje'saki kon bo ta durf sikiera paree mi dilanti?
Despues dje'saki, con Pai ta durf parce dilanti mundu?
Bo'n ta realizá cu t'ami a sóda pipita di mi frenta pa mi gana dos cen, anto abo ta hisé strooi como si fuera placa'i gobierno?
Y Pai no tin berguenza un hende di Pai su posishón por t'asina golos pa placa, pa ta inbentá moda infame asina pa skwiez hende saca cen.
Bo cabez ta bon, di papia cu mi asina? Drama foi mi bista.
Mi tin gana di sa cuá ta pió, paga prijs haltu pa un cos ku bo tin mester, of coba placa foi un diabel pober, ora ja bo tin di más?
Mi'n bisábo bai? Bai! Stop di cansa mi orea!
(So)
E abentura aki a sirbími di un les. Awó mi meste pela mi wowonan mas ku nunca, pa waak e.
| |
Esena III: Mimichi cu Don Pepe.
Spera un momentu, mi ta bai bini un djies.
(Aparte)
Mi mester bai daal un buelta weta si e placa ta seef.
| |
| |
| |
Esena IV: Mimichi cu Flecha.
(Sin weta Mimichi)
Esús esta un abentura! Di ma pret ta, e bieeuw meste tin un cas chock fol di potoshi, pasoa di hinteer e lista mi'n reconocé cada djaki den!
Oh t'abo pober Flecha! Ta di unda ba bló?
Oh t'abo Mimichi, ta ki bientu a tirabu?
E mes bientu di custumber, no, mi mes fishi bieeuw; yuda caminda mi por, un djaap paki un djaap paya.
Mi tin zjeitu pe cosnan ei, bo sa, den dje mundu aki hende meste ta spiertu. Ami loke Dios a dunami ta mi talent, un pigue trabao, un sneif di konkelmentu...
Bo tin un nogoshi cu e baas?
Si, - mi tin un chiki-chiki ei - por laga cai algo.
Laga cai algu... bo ke meen baas los algu? Mimichi jui, stop'i sonja, ni cu talent di genio bo'n ta logra los algu foi sjon Pichiri.
Ay ta sa bo'n sa, tin sjertu cos chiki-chiki, cu sa haci maravilla.
Bai kerendu, bo'n conocé Sjon Pichiri manera ami - di tur ser humano cu ta cana rond t'esun di menos humano. - Ni maske bo cana rondia cu switchlight bo'n ta topa un pushi mas tránka y mas miskiña cu Don Pepe - Mi ke weta e cos ‘chiki-chiki’ of ‘grandi-grandi’ cu por los e dedenan ei! Palaba bunita, pro mesa, ami stad, cuantu cu bo ke, ma placa, zupla!
(Gestu dilanti boca). E ta pichiri te
| |
| |
asta den su gestunan, maginabo, cu e tin asina tantu streek dje palaba duna, cu na logá dje bisa: ‘Mi ta dunábu man,’ e ta bisa: ‘Mi ta fiábu man.’
Dioso lo paga ta homber e ta, Flecha, sono e ta capaz di ‘fia na luz’; pober criatura. Y tog bo sa Flecha, mi tin contianza cu mi sí ta Logra algu foi dje. Ta un arte dificil, pero ma studia tur e secretunan te mi sabi nan djaden pafó; meste traha cu masha pasenshi, kishikí, kishikí su a mor propio, anto caba jangué jangué te ora e ta cla pa morde.... difuntu... e ta cai manera patía bèrde.
Kerébo, bo por kishikié, jangué te bo mes daal abao plaat, ma mi ta pustábo, loke bo ke, e chubatu di gengu ei un ta los un een chikí! Ba kere mi'n conocé. Ke sinti holó di cobradó, ya ta cla pe hanja un seentebú. Hei scucha - até ta bink. Ami ta laga cai.
| |
Esena V: Don Pepe, Mimichi.
(Bos abao)
Tui cos ta fain. Y con ta bai cu Mimichi!
Caramba Don Pepe ta mus tra bon! Djiengueri!
Ta manera cu cada dia Don Pepe ta para bira mas jong.
Don Pepe su cútis ta mes frescu cu di un mucha di 25 añ.
Lague nék, Mimichi, bo sa cu ma pasa sesenta?
| |
| |
Auto kiko? T'esei ta flor di jubentud. Ta ora sina un homber machu ta na su punt'e caramèl.
Ei bo tin razón, pero si mi por a skaaf un 20 añ afó...
Ay foei... cu un vigor asina, ban pusta Don Pepe ta pasa den añ te lubidá.
Sigur, sigur - hala na luz aki mi weta. Até! Mi'n bisa, net aki riba nanishi un señal di bida largu.
Bo sa dje cosnan ei, Mimichi?
Con por laga. Mustrámi Don Pepe su planti man. Ay Labirgi, mira un liña di bida aki!
Don Pepe un ta mira te unda e liña aki ta bai?
Bon, i kiko esei ta nificá?
Wel, balansa di un 120 añ!
Ummm
(lach). Bisami Mimichi, con ta bai cu nos asuntu?
Tur afó. Ami ora mi hinca mi cuchara den soppi, ta cos di lembe boca, loke yama traha casamentu ta mi kuki, unabez mi pone mi cabez pa sera un partido, un tin awa pa labé. Ta purba m'in purba di koppel..... cu....., sino, beshinmantó.
Pero ban cu nos asuntu, como mi ta basta hende di cas
| |
| |
ceka nan, a cai lije pa ma borda nan riba Don Pepe, y p'ami a conta e mama cuantu cariñu Don Pepe a coje pa Margarita, wetandu e keiru riba caya y pará na su bentana.
El a tumé masha bon, i ora ma nooi e pa laga Margarita bin festejá dunamentu di man di Elena a we nochi, el a aceptá mes ora, permitindu Margarita di bini bao di mi kuidu.
Bo ta weta, Mimichi, mi tin ku haci un comida na honor di Anselmo, y pesei lo ta un placer masha grandi si Margarita tambe por ta van de partij.
Ma Mimichi, ba corda e Mama caba riba cuestión dje porshi? Ba lagué compronde ku ta su deber di pipitá maske ta algu? Ta custumber fast, cu mester fier un cos.
Kon? E señorita aki ta trece 12 mil florin di renta.
Si. Na promé lugá, e ta masha poco comedó, su mama a lanté sencillo riba funchi cu giambo, soppi pampuna, stobá i cosnan asina. Di moda cu no tin gastu di caviar cu champaña riba mesa. Ei so nos por conta 4 mil florin gispaar. Caba na su bistimentu e ta masha moderá, nunca e'n ta exigí prenda di djamanta ku esmeralda cue cosnan ei. Ni tampoco e ta gusta cana cu shimies tur na payèt cu cuenta - otro 4 mil gispaar.
| |
| |
Y pa chiripa, e tin oror di wega di bridge i di canasta, lo cual awendia ta un exepshón, pues mi mes por conta Don Pepe di Sra. Fulano cu a para perde 276 florin cu 23 cen antiyera nochi na Club, sacafó kiko un suma asina por bira pa aña, pero nos ta conté all in all tambe pa 4 mil, maske un ta ni un binti parti. Suma sumarum: 4 mil di caviar cu champaña, 4 mil di djamanta cu payèt y 4 mil di bridge cu canasta - 12 mil florin di regalo limpi pa aña.
Si... un ta malu, pero un ta un cos positief.
Kon? Un ta positief? Dispensámi, un ta positief ricibí como regalo di matrimonio un hende cu ta come moderá, cu ta bisti sencillo, y cu tin odio pa wega di placa?
Ta ki coi macacu, bo por reken gastu cu lo no wordu hací como dote? Mi por firma recibo antó riba pára cu ta bula den sjelu? Um-um, ami ta daka paleta!
Pero tog Don Pepe ta sali di bon, ademas nan a papiámi di un kunuku banda di Santa Rosalía.
Esei po yuda. Meste saminá e kestión drechi.
Bo sa, Mimichi, tin ainda un kreenchi cos ku ta hinder mi - esta ku Margarita ta masha jon, i generalmente jubentud no sa gusta hende bieeuw. Nan ta preferá di bai om ku nan pareeuw, ademas meste pensa e peliger cu mucho cos di spièrtu por kraak mi salú. Mi ta net e edad...
Esta pasá mi ta. Ta lubidá ma lubidá di conta Don Pepe principal cos, esta cu Margarita ta hende bieeuw so e ta stima. Ta un cos masha particular, e'n tin ley ku hende jong.
| |
| |
Manera Don Pepe ta tende. Mara Don Pepe por scucha ora e ta discutí ei riba. Segun e ku solo mira un jonkuman jong ta duné degú, mientras ku un homber mayó cu un barba majestuoso di seda blanku ta su encantu. Má bieeuw nan ta mas pe stima nan. Djo libra Don Pepe haci muchu cos di djiespaus cuné - pa junga jong. Tres luna pasá ela hera di sera casamentu cu un tal Fulano di Tera Frieuw. Tur cos tabata reglá, logá, ora nan a yega dilanti Sjon Chachi, y Margarita a discubrí cu su Baron no ta tin mester di breel pa firma acto, y ku pa colmo ni sikiera el a cumpli su sesenta añ, Margarita a bira dja riba abao, kibra casamentu.
Blo pesei - e di, ki gracia tin casa ku un homber ku'n cumpli ni sikiera sesenta añ - ademas ta locura e tin ku hende ku ta bisti breel.
Mi po bai mas aleeuw. Den su camber e tin un stel di portret dorná na muraya. Rei di ken? Un ta ni di Prins Bernhard, ni di Pedro Vargas, ni di Robert Taylor, pero di Frater Radulphus, di Churchill y di Sjon Wawa.
No bisámi. Wel, wel, ta cos di admirá. Apesar, si mi tabata un mucha muhé, lo mi no por a namorá un mucha homber jong.
Mi tin sigur djesei. E jonkuman nan ei parce slijm, anto pa chiripa nan ta stom. Mi ke sa ki smaak hende por hanja
| |
| |
Mi'n ta comprendé ta con por ta existí muhé ku por cai pa nan.
Si, ma ki sorto di muhé, muhé loco di mara! Si nan ta bon-bon na nan cabez nan lo'n pensa sikier a riba sorto di klaapchi asina!
Anto ora hende weta nan? Cabei gistrijk ku briyantina, mustashi sma... al á la barba di pushi, anto nan bistuario! Sport shirt colo hè, tur na cangreeuw, cu pali coco, cu cayena; poco pia di carzon fi... ni manera bestia mará.
Precies! Esta un diferensha cu un figúra manera Don Pepe: nèchi, serio, bon bistí, cabayero, t'esaki ta cos di namorá.
Anto kon! Don Pepe tin un zwier, i un curpa! Tjwa!
(gestu di man na boca)
, Drei un tiki, fuuuuu
(fleit)
, mejor no existe! Cana mi weta, fu-fuuuu
(fleit, fleit). Esaki yama curpa, bon tayá, hinté kèchi tur afó! Salú!
Mi'n por keja, únicu cos cu ta zjenámi ta e tosamentu cu mi sa hanja de bez en cuando.
Te asta esei ta sinta Don Pepe bon, e elegancia di zwaai e lenzu, e tosesito asina distingui...
Bisámi Mimichi, Maragarita a wetámi? Nunca ma hala su atenshón?
| |
| |
Nò, pero sí ma papié masha di Don Pepe. Don Pepe su orea drechi un fleit?
Ba haci masha bon i mi ta gradicibo.
Na Don Pepe su ordi. Mi ta semper cia pa cualke fabor cu mi por haci Don Pepe. Awó mi tin un pitishón chiki cu mi ke haci Don Pepe: ta sosodé cu mi ta tenedó di un saam, awo simán cu a caba ma hanjámi den trobbel cu un lèkashi di dak di cas, i mi mester a fia e potchi di saam pa paga Ba Chandi, meslá
(Don Pepe ta trek cara fastioso)
, awó mi ta hanjami masha purá pa sera e sen cu mi tin cu entregá dja Bièrne. Jesus Margarita lo goza di topa alafin cu Don Pepe
(Don Pepe su cara ta habri). E ta bai ta loco namorá di Don Pepe, cu e col paradito, e guièl pretu, e garoti, sjon! goze garoti! Mihó mi keda ketu, sino aworo ta blausa lo mi tin cu blausa Don Pepe pa mi no duna Don Pepe oyada.
En todo caso bo ta haci mi cabez suta.
Lo cierto ta, cu mi ta hanjami loco, mi'n sa con mi haci pa sera e potchi saam, rei cu mi'n por wanta hanjámi den bombòshi
(Don Pepe cara será). Kizás Don Pepe por a yudámi, maske ta un ‘kleineheitje’ por scapámi! Mara Don Pepe por a weta e cara namoradísima cu Margarita a trèk, ora ma papié di Don Pepe
(Don Pepe cara harí). Su wowonan tabata lombra di legría. Ma papié te ma lagué chinga di curiosidad pa topa Don Pepe i hanja sera casamentu.
Mimichi, Dios wardábo, ba hacimi un homber masha feliz, i mi ta sigurábu cu mi ta tur afó gradicí.
| |
| |
Anto mare Don Pepe ke dunámi e ayuda chiki
(Don Pepe cara mará)
un tiki cos mes lo ta un yudanza, i lo mi keda eternamente gradicí.
Bon, ayó. Mi tin cu bai ocupámi di mi kehaceresnan.
Un ta hopi mi ta pidi, pero ta, cu mi ta hanjámi den un nesesidad masha grandi.
Lo mi sòru pa mi auto ta cla na ora pa hiba e muchanan bai keiru.
Lo mi no a soña di molostiá Don Pepe, si no ta cu mi ta hanjámi primí mes pe placa.
Lo mi percurá pa cuminda ta cla temprán, pa tur hende por haci bon digestión.
Ay no ningámi e cosita cu mi ta suplicá...
Mi tin cu bai, mi ta tende nan ta yamami aya banda. Te aworó.
Mare Bawán cojebu, cachó malagradicidu!
Mira un demonio asina, maske con ma smeek e, con ma lembé, el a keda tranká.
Kwa ke haci, si djaca no balia tambú...
Enfin, ta bon cu mi tin otro masbangu den panchi.
Esei sí, ta pan den cas!
|
|
Auteursrechtelijk beschermd