Antilliaanse Cahiers. Jaargang 5(1962)– [tijdschrift] Antilliaanse Cahiers– Auteursrechtelijk beschermd Vorige Volgende [pagina 25] [p. 25] Frank Martinus Na misa Kloknan di misa tin un man di bati Habri mainta grandi foi otro. Awa a kai seru i tera ta berde-berde. Ta rempu di misa di aurora. Anglonan heel ta kompanjabo te na misa - kaminda muhenan ta habri sajanan hanchu - Serpentina pa Dios ju bin baha 'riba Un kareda di mucha muhe bokki-bokki ta kanta gloria ta duna tur sorto di lus ku nan bistí - Ta bruha su sintí a bruha kela lubida kam inde misa kela lubida kaminde kas? [pagina 26] [p. 26] Na mesa Batata! Su kara a bira rondo di batata - ma e tin gane bisa on hende na papiamentu kon e ta gusta funchi Friw no ta hasi nada ma si bo kanta duru si na Hulanda nan ta kohebo sera - i me ke ku bo meste di permit na Hulanda hasta pa bo muri No purba bai taman tampoko pa bo skapa pasobra e awa ta sjusji i tin bestia fis den santu ta wardabo sunchi - pa drenta bo boca Kon ku bai bin na Hulanda stranjeru bo ta keda - Si nan konfiabo nan n' ta konfiabo kompletu Si nan stimabo nan n' ta stimabo kompletu. [pagina 27] [p. 27] Na cas Ma ora solo ku luna lagabo pasa bini bek bo tera - bo n' skapa: Ba bira mitar hende mitar stranjeru - Un di bo wowonan ta mira funchi i e otro ta mira batata - ma ni un di nan dos bo n' gusta. Den anochi bo ta sonja, spanta, spierta, kere ta den sneeuw bo ta - pa mainta bo lanta papa sodá, pasobra ta den fornu ba drumi. Si bo bai Hulanda bini bek bo ta keda semper un barku mal mará ku ki ora ku ta por ranka bai - ku hopi hende ma sin amigu ni kaminde bai - pasobra ni un kaminda bo n' ke keda. Anto dal man na kabes si bo ke i grita jora: Ba kondená bo mes ku tur studia ku ba studia. ma sigui purba! No desespera benta bo kurpa na awa. I si ta sa mes bo n' sa mas kiko hasi: Anto dal man na obra i grita hari. [pagina 28] [p. 28] Leiden Kamna den Leiden semper pensando sin pensamentu - para riba un dje brugnan blanku manera un estatua i ripará ku nada no ta troka. Leiden tei pa tur tempu Ma e no ta broma E ta un muhe di kaja Ku ta mira su mes hinter ora bai den su spilnan di awa Un muhe masja-masja duru di kurason ku no ta sinti nada i solamente ta studia kon bira mas sabí Pero e tambe sá ku nada no tei pa semper Bló e misa grandi i e Santana. [pagina 29] [p. 29] April na Hulanda Sanger nobo den mi bena! Mi tin gane bula riba Tur kos ku mi mira - Flornan a kumisa konta kon nan a wanta friw seis luna largu. Tulipannan a habri haltu Hiasintanan a hari bisti shimis di paranda - nan ke sali ku mi. I pesei krokusnan skondí-skondí ta reda riba nos. Nan ta blanku-berde-blauw Nan ta djaki i ami ta djaja - Nan tin tur sorte colo - i Ta mi so ta pretu: Ma nos tur tin gane biba! [pagina 30] [p. 30] Pensa un ratu Bo n' ta korda mi ruman e oleifi bande kas i mas patras e jerbanan ku nos sa korta buta den sapatu? Pensa un ratu mi ruman Kant 'i porta madalena mas aja kajena - flambojan e barbe jonkuman - e kelki heel e heel di anglonan ku sa siega nos merdia - ku na fin di kada dia ku nan blatchinan i flor sa jena tardi ku splendor. Pensa un ratu mi ruman: Mamai sa sinta borda ku dedenan purá den hoffi den kurá Nos sa hunga bou dilanti dje O kore piki palu pe. Pensa un ratu mi ruman: T'asina grandi bo a bira den mundu di lokura i mintira ku ni korda bo n' ta korda ku ta bruki pa nos mes di nobo kada bes - Mamai sa sinta borda? [pagina 31] [p. 31] Korsou Mi stima Korsou bo sá - mainta tempran tempran. Jen-jen 'i bida nobo mi ta hala mi prome rosea. Gloria mi kurpa ku awa salu i sinti mi mes manera Dios riba e di sjete dia - ora El a disidi di sosega. Mi stima Korsou bo sá - tramerdia: Lagadisji riba piedra - riba punta di su rabu ta mirami I Dios a hasi kasnan tur coló di solo. Atardi Korsou ta un juchi den skochi di laman tirá: su mama. Atardi mi tin gane sunchi Korsoua - Foi su kabes te su plant'i pia. [pagina 32] [p. 32] Tres amor perdi Distansja grandi por hasi hopi kos.../Rudy Plaate lo mi no bisa masja: pa ni 'un hende n' sa tur kos di nos amor na Hulanda awor ku nos a jega kas. Ma lo mi no keda ketu masjá pa ni 'un hende n' puntrami di kon mi ta tristu - Abo ku tantu ma stima, hasi hinter mi famia stimabo: Si mi stop di stimabo lo mi stop di pensa i si mi stop di pensa lo mi stop di biba Ba lubidami di berde? Bo por? E parti di mas grandi di mi - Ba tuma. E parti di mas grandi di bo - Mi tin. I si bo kasa dushi - Tur bo junan lo parsemi Asina tantu mi ke Ku ma stimabo. [pagina 33] [p. 33] Aja na Hulanda aja na tera friw/Rudy Plaate Bo n' ta korda kon nos dos sa kamna tene man huntu na Hulanda - Hunga den sneeuw manera Makamba i kuantu bia mi n' nabo mi bachi pa bo tapa friw? N' ta'tin kuente blanku ni pretu ni kuente riku ni pober Pesei ma paga sine pami kubo i sufri friw pa nos dos. Bo n' ta korda kon nos dos huntu sa sinta pensa kas - broma ku nos brug ku ta habri sera - kaminda ma topabo atrobe? Bo n' por a hisa man sikiera? para un rato bisa mi di kon sikiera? O por ta ku ta mira bo n' mirami? [pagina 34] [p. 34] Dushi, bo ke mi bira mucha trobe i bolbe kere den bo amor i bolbe kere den bo promesanan ka herida mi sonjonan tantu? Dunabo atrobe mi kurason mi lipnan i mi pensamentu i pensa solamente riba bo - bo pechunan, bo wowonan? I sjusja mi man na bo karni danja mi kara den bo kabei hinka rudia pa bo deseo? Grita duru-duru: mi stimabo pa ora mi buska bo mannan den sukú - bo paga mi amor ku un bon boftá? Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd