Het Antwerps Liedboek. 87 Melodieën uit 'Een schoon liedekens-boeck' van 1544. Deel 1. Liederen
(1975)–Anoniem Antwerps liedboek–
Auteursrechtelijk beschermd
[pagina 188]
| |
Een nyeu liedeken1.
Ga naar margenoot+ ‘Het was te nacht, also soeten nacht,
Dat alle die vogelen songhen.
De fieren nachtegale hief op een liet en sanck
Met zijnder wilder tonghen.
2.
Dat verhoorden twee gesellekens fijn,
Twee gesellekens van avontueren.
Si namen mi minen fiere maghedom,
Ick en mochter niet om trueren.
3.
Si namen dat ic veel liever hadde:
Een vingerlinc root van gouwe.
Maer bringhen zij mi dat wederomme thuys
En het sal hem noch berouwen.’
| |
[pagina 189]
| |
4.
Het sat een schipperken al op zijn scip.
Hi hoorde dat vrouken seer claghen.
‘Gebreect u bier, broot, ofte wijn,
Dat sal ick u doen halen.’
5.
‘Mi en gebreect bier, broot of wijn,
Noch geenderhande ‖ dinghen.Ga naar margenoot+
Ick draech een kint, so cleyne kint,
Ick en can die vader niet vinden.’
6.
‘Draechdi een kint, so cleyne kint,
Condt ghi die vader niet vinden?
So doet dat kindeken alle zijn gerief,
Die vader sal u beminnen.’
7.
‘Nu wil ic gaen trecken dat groene wout in,
Die fiere nachtegael vraghen,
Maer of si alle gesceyden moeten zijn
En dat eens twee liefkens waren.’
8.
‘Wy waren ghescheiden, mijn soete lief ende ick,
Het is haer nae so wel berouwen.
Wy souden also saen vergadert zijn,
En woude si my zijn getrouwe.’
9.
‘Goet en getrouwe sal ic u zijn,
Een fiere gelaet sal ick u schencken.
Wanneer ic ligghe inden armen van dijn,
Op een ander sal ick dencken.
10.
Nu radick elcke jonghe maecht
Dat zij haer eerken bat besluyten:
Wanneer dat willeken is gedaen,
En dan is die vrientschap uute.’
|
