Het Antwerps Liedboek. 87 Melodieën uit 'Een schoon liedekens-boeck' van 1544. Deel 1. Liederen

[p. 146]

66
Rozijne, hoe is dijn ghestelt
Een amoreus liedeken
AL CXXXVII melodie tekst

[p. 147]

Een amoreus liedeken

Rozijne, hoe is dijn ghestelt?⁺
Bi coninck Paris' tijden,
Doen hi den appel hadde in zijn ghewelt,
Die alderliefste woude hijt gheven.
Voorwaer ghelooft:
Hadde Paris u schoonheyt aenghesien,
Venus en waer niet begaeft daer mede:
Den prijs waer u ghegeven.

Ick weet, hadde Virgilius u ghekent,
Eer hi bedachte te scriven
Van die schoone Helena yent
Al uut der griecken lande,
Een croon boven alle wijven,
Hi hadde u veel meer dan haer
Die scoonheyt toegemeten.
Daerom so is mijn herte so vast met haer liefde beseten.

Ick weet, had Pontus bi zijnder tijt
Ghesien een dier ghelijcken,
Sydona die hadde breedt ende wijdt
Met haer schoonheyt moeten wijcken,
Ende ander veel meer, daer ick deer
Lief hebben u in trouwen, saert joncfrou fijn.
U dienaer so wil ic zijn,
So langhe als ic leve opter aerden.

+ fol.76r