Het Antwerps Liedboek. 87 Melodieën uit 'Een schoon liedekens-boeck' van 1544. Deel 1. Liederen

[p. 120]

54
Ic heb om vrouwen wille
Een nyeu liedeken
AL CII melodie tekst

Een nyeu liedeken

⁺ ‘Ic heb om eender vrouwen wille
Ghereden so menighen dach.
nu segt mi, scoon vroudelinge,
⁺ Hoe sidy nu bedacht?
Och wildi bi mi bliven
Ende dat segt mi nu ter tijt,
Want ick moet van hier.
Ja schoon is mijn lief,
Mi en lust gheen ander wijf.’

+ fol.57v

+ fol.58r

[p. 121]

2.

 

‘Lust u gheen ander wijflijn?

 

So draecht u herte tot mi.

 

So segghen al die lieden

 

dat ick die liefste si.’

 

‘die eere wil ick behouwen

 

Tot die alderliefste mijn.

 

Ende slapen bi scoone vrouwen?

 

Ja schoon is mijn lief,

 

Daer slaept een ander bi!’

Hi nam die suyverlijcke
Al bider witter hant.
Hi leydese also verre
Al over die smale padt,
al voor haer camer veinster,
daer lach de maecht en sliep.
die wachter op hoger tinnen
- Ja schoon is mijn lief -
Hoe luyde mer dat hij blies:

‘Is daer yemant verboorghen?
Dat segt nu ter tijt,
dat hem die niders niet en verspieden,
Die bi der liefster zijt.
Ic sie die morghen sterre
ende den dach die spruit daer by.
Ic hoor die vogelkens singen
- Ja schoon is mijn lief -
daer toe die nachtegale.’

‘Laet singhen wat si willen,
Ten is noch gheen dach.
So moetse God bewaren
Daer ic te nacht bi lach.
Si heeft twee valcken oogen,
daer toe eenen huebscen crans.
So moet ic van haer scheyden.
Ja schoon is mijn lief,
God spaerse lange ghesont.

Hier mede heb ic ghecosen,
Het is mi van herten leet.
Ick hebbe om uwen wille
Ghereden so menigen dach.
Schoon lief, laet u gedenken
Ende die trouwe die ic u gaf.
Ende laet twee bruyn ooghen op mi wencken:
Ja schoon is mijn lief.
Adieu, ic scheyde van hier.’