Het Antwerps Liedboek. 87 Melodieën uit 'Een schoon liedekens-boeck' van 1544. Deel 1. Liederen
(1975)–Anoniem Antwerps liedboek–
Auteursrechtelijk beschermd
[pagina 38]
| |
[pagina 39]
| |
Een amoreus liedeken1.
Een venusdierken heb ic uutvercoren,Ga naar margenoot+
Gheen schoonder en weet ic nu terstont.
Om haer so wil ic vruecht oorboren
Int aensien van haren lachende mont.
Haer keelken wit, haer borstkens ront,
Maken mi vrolijc van sinne.
Schoonder en was noyt van moeder geboren,Ga naar margenoot+
This recht dat icse beminne.
2.
Ghelijc gout is haer hayr van coluere,
Twee oochskens ter amoreusheyt snel,
Twee borstkens ront, soet van natuere,
So is mijn lieveken, dat weet ic wel,
Sedich van gheest ende niet rebel.
Si is mijnder herten keyserinne.
Ic en weet ter werelt geen liever creatuere,
This recht dat icse beminne.
3.
Noch heeft si een hoochmoedige coragie
ende daer toe eenen fieren ganc,
Int triumpheren bedrijft si ragie.
Ic en hoorde mijn dage noeyt soeter sanc,
Dan si bedrijft met haren voys gheclanc.
Het dunct mi puer een godinne.
Ghefaetsoeneert is si als een ymagie,
This recht dat icse beminne.
4.
Ic en can vergeten mijns liefs manieren,
Haer vriendelijc wesen, haer fier ghelaet.
Crijghe ic geen troost door haer bestieren,
So wert mijn herte heel desperaet.
mocht ic met haer, mijn troost, mijn toeverlaet,
So waer ick blijde van sinne.
Vruecht ende solaes soude ic hantieren,
Tis recht dat icse beminne.
5.
Princesse gent, die mijn vruecht doet breeden,
Al mocht ic hebben van goude swaer
Tghewichte van u, ic en sal van u niet scheeden,
Ghi blijft mijn liefste wederpaer.
Want aen u, lief, en weet ic gheenen maer
Dan alle vruecht een ghewinne.
haer wesen reyn en mach mi niet verleeden,
This recht dat icse beminne.
|
|
