Souterliedekens
(1540)–Willem van Zuylen van Nyevelt–
Auteursrechtvrij
[Folio Z4r]
| |
§ Den lofsanc Zacharie. Benedictus Dominus Deus Israel. Luce.i.cap. Na de wise. Een oudt man sprack een ionck meysken an. ONs Heere God van Israhel
Moet altijt wesen ghebenedijt
Hy heeft besocht en verloste wel
Den sinen heeft hi seer wel beurijt.
Hy heeft den hoorn tot ons profijt
Van ons salicheyt, opgherecht
Int huys van Dauid sinen knecht.
So als hi heeft ghesproken fijn Ga naar margenoot+
Doer zijnre heylighen mont voerwaer
Die van dbeghin zijn propheten zijn
Dat wij behouden zijn alle gaer Ga naar margenoot+
Al van onser vyanden schaer
Van haerder hant fel ende boos
Die ons hebben ghehaet altoos.
Dat hy zijn goetheyt excellent Ga naar margenoot+
Aen onse vaderen, vroech, en spaey
Mocht thoonen doer zijn ionste present
En zijn bermherticheyt ionnen fraey
| |
[Folio Z4v]
| |
En dat hy mocht zijnder ghenaey
Ghedachtich zijn: tot alder stont
Sijn testament heylich verbont.
Den eedt die hy ghesworen heeft Ga naar margenoot+
Tot Abraham onsen vader goet
Ons die hy wtuercoren heeft
Dat hy sal gheuen dese gracy soet Ga naar margenoot+
Dat wij verlost, en wel behoet
Van onser vyanden hant seer fel
Hem sullen moghen dienen wel.
In heylicheyt, en gherechticheyt Ga naar margenoot+
Voer hem, in al onse daghen hier.
Ghi kint wort een propheet verbreyt Ga naar margenoot+
Van God den alder hoochsten Princhier.
Want ghi sult gaen voert aensicht fier
Van God den Heer: zijn weghen reyn
Sult ghi bereyden, en maken pleyn.
Op dat ghi maken moecht bekent Ga naar margenoot+
Sijn volck haer salicheyt doen verstaen
Dat haer verghiffenis is ghesent
End al haer sonden zijn wt ghedaen. Ga naar margenoot+
Doer Gods leden (hoort dit vermaen)
Van zijn goetheyt, aen ons ghewrocht
Den opganc ons van bouen heeft versocht
Dat hy mach met zijn clear aenschijn Ga naar margenoot+
Verlichten: die daer met grooten noot
Sitten in duysternis, en pijn
En in die schaduwe vander doot.
Al om te stueren cleyn en groot
Ons voeten: in eenen wech vreedsaem
Van rusten, die daer is bequaem.
§ Dese drie nauolgende lofsangen Magnificat, Nunc dimittis Te Deum laudamus, machmen singen op die wisen van al dese ymnen O lux beata trinitas. Iesu saluator seculi. Conditor alme syde. Christe qui lux. A solis ortus car. Ad cenam ag. Maria mater domini. |
|