Souterliedekens
(1540)–Willem van Zuylen van Nyevelt–
Auteursrechtvrij§ Den lofsanc der drie kinderen die in den vierigen ouen saten, Anania, Azaria, ende Mizael. Dan. iij. ca. Benedicite omnia opera. Na een danslieken. Const ic die mane schijn bedecken, hoe gaern sou ic bi. &c. GOds wercken al, van groter famen Ga naar margenoot+
Gebenedijt den Heer altijt Ga naar margenoot+
Gods enghelen danct hem te samen
Ghi hemelen met
| |
[Folio Z3r]
| |
 groot iolijt.
Ghebenedijt den Heer,
Verheft hem altijt meer
Al in der eewicheyden so gheeft hem lof end eer.
Ghi wateren seer hooch ghedreuen, Ga naar margenoot+
Gods crachten loeft den Heere goet
Ghi Son, en Maen, die zijt verheuen Ga naar margenoot+
Ghi sterren inden hemel soet
Ghebenedijt den Heer
Verheft hem altijt meer
Al inder eewicheyden so gheeft hem lof en eer
Loeft God ghi reghen ende douwe, Ga naar margenoot+
Ghi gheesten Gods van hemelrijck,
Ghi vier, en hitte, somer, en couwe, Ga naar margenoot+
Ghi vorst, en hysel, alle ghelijck, Ga naar margenoot+
Ghebenedijt den Heer
Verheft hem &c
Ghebenedijt hem ijs, en snede, Ga naar margenoot+
Ghi nachten, daghen, alle gaer
Ghi licht, end oock ghi duysterhede, Ga naar margenoot+
Ghi blixem, ende wolcken clear.
Ghebenedijt den Heer
Verheft hem. &c
Het aertrijck moet ghebenediden Ga naar margenoot+
God: dancken, louen, zijn virtuyt
Ghi berghen wilt den Heer beliden Ga naar margenoot+
En al dat wter aerden spruyt
Ghebenedijt den Heer
Verheft hem. &c.
Ghebenedijt den Heer fonteynen, Ga naar margenoot+
Ghi zee, en ghi riuieren fijn,
| |
[Folio Z3v]
| |
Ghi groote visschen metten cleynen, Ga naar margenoot+
Voghels die inden hemel zijn.
Ghebenedijt den Heer
Verheft hem. &c.
Ghebenedijt God alle dieren Ga naar margenoot+
Ghi menschen kinderen danct hem wel
Gode die daer is seer goedertieren Ga naar margenoot+
Moet dancken, louen Israel,
Ghebenedyen seer
Verheffen altijt. &c.
Ghi priesters wilt den Heere prisen Ga naar margenoot+
Loeft hem zijn knechten, vruecht vermeert
Wilt glorie God den Heer bewisen Ga naar margenoot+
Ghi goede gheesten iubileert
Ghebenedijt den Heer
Verheft hem. &c.
Ghebenedijt hem sonder sparen Ga naar margenoot+
Ghi heylighen tot alder stont
Alle die ootmoedicheyt bewaren
Prijst doch zijn lof met uwen mont
Ghebenedijt den Heer
Verheft hem. &c.
Ghebenedijt den Heer almachtich Ga naar margenoot+
O Anania, vroech, en spaey,
O Mizael zijt dyes ghedachtich
En ghi o Azaria fraey
Ghebenedijt den Heer
Verheft hem. &c.
Laet ons ghebenedyen, vieren Ga naar margenoot+
Den vader, soon, en heylighen gheest,
Sijn lof, en glory, hier hantieren
Soe wel die minste, als die meest
Ghebenedijt den Heer
Verheft hem. &c
Ghebenedijt o Heer ghepresen Ga naar margenoot+
Sijt gi int shemels firmament
Loeflijck, ende glorioes van wesen
Verheuen zijt ghi sonder ent
Ghebenedijt den Heer
Verheft hem altijt meer
Al inder eewicheyden so gheeft hem lof en eer
|
|