Souterliedekens
(1540)–Willem van Zuylen van Nyevelt–
Auteursrechtvrij
[Folio Z5r]
| |
§ Den lofsanck der ghebenedide maghet ende moeder ons Heeren Maria Na de wijse vanden hymno Conditor alme syderum MIin siel maect groot en prijst den Heer Ga naar margenoot+
Mijn gheest heeft hem verblijt soe seer Ga naar margenoot+
Verhuecht was ick in minen moet
In God mijn salicheyt seer goet.
Want hy die cleynheyt sach voerwaer Ga naar margenoot+
Van zijn dienstmaecht, this openbaer
Siet nv, alle gheslachten fijn
Sullen my segghen salich te zijn.
Want groote dinghen hi ghewis Ga naar margenoot+
Heeft my ghedaen: die machtich is
En sinen naem ghebenedijt
Seer heylich is tot alder tijt.
En van tgheslacht totten gheslacht Ga naar margenoot+
Sijn goetheyt duert seer hooch gheacht
By allen die hem cleuen aen
End in zijn vreese bliuen staen.
Hy heeft met sinen arme fier. Ga naar margenoot+
Een groote macht gheploghen hier
Die opgheblasen talder stont
Heeft hy verstroyt in haren gront.
Hy heeft van haren stoel ghestelt Ga naar margenoot+
Die machtich waren, neer gheuelt.
| |
[Folio Z5v]
| |
En die ootmoedich waren al
Heeft hy verheuen in dit dal.
Met goeden hy veruulde veel Ga naar margenoot+
Die hier verhonghert waren heel
End die met rijckdom zijn beuaen
Liet hy hier ydel blijuen staen.
End hy zijn dienaer Israhel Ga naar margenoot+
Ontfanghen heeft: ghedacht seer wel
Op zijn groote bermherticheyt
Soe hy hem die had toe gheseyt.
Soe hy ghesproken heeft voerwaer Ga naar margenoot+
Tot ons vaders alle gaer
Tot Abraham (seer wel bekendt)
En tot zijn saedt al sonder endt.
|
|