Souterliedekens
(1540)–Willem van Zuylen van Nyevelt–
Auteursrechtvrij§ Den .C.xxxix. psalm. Eripe me domine ab homine malo. Nae die wise. Princesselijck lief wij moeten scheyden, ick en weet niet waer ick henen sal. ONttrect mi o Heere vanden quaden
Verlost mi vanden man seer boos
Die hebben int hert boosheyt gheladen
En die niet anders dencken altoos
Niet dan van oerloch luyt haren voos
| |
[Folio V7r]
| |
 Haer tongen als serpenten ghewet hier zijn
En haer lippen (wilt horen mijn)
Daer onder niet en schuylt dan claer fenijn.
O Heere mijn God wilt mi bewaren Ga naar margenoot+
Al van des sondaers felle hant
Onttrect my der booser menschen scharen
O lieue Heere doer v bystant Ga naar margenoot+
Sy dachten dat ick mocht zijn verplant.
Alle mijne ganghen te brenghen te gront
Sij begheerden tot alder stont Ga naar margenoot+
Sy borgen voer my een stric, en loose vont
En zeelen die boose voer my spreyden. Ga naar margenoot+
In minen wech seer heymelick
Dat sy mi daer inne mochten leyden
En vanghen my in haren strick
Met vast betrouwen ghesproken heb ick
Tot minen Heer, ghi zijt certeyn
Mijn God in dit aertsche pleyn
Verhoort mijn stem, mijn kermen al gemeyn.
O Heere mijn God ghi zijt ghepresen Ga naar margenoot+
Die cracht van mijnder salicheyt
Ghi hebt mijn hooft bedect, ghenesen,
Wanneer mi was een strijdt bereyt
En leuert my niet (oft twaer mi leyt) Ga naar margenoot+
Na de sondaers wil: haer ghedachten zijn quaet
Ick bid v mi niet en verlaet
Dat sy haer niet en verheffen bouen die maet
Het hooft van haren ommeganghen Ga naar margenoot+
| |
[Folio V7v]
| |
Die mi beuanghen, en comen voer
Den arbeyt in haren lippen ghehanghen
Sal haer bedecken met laboer
Die colen sullen vallen op hoer, Ga naar margenoot+
Ende sultse werpen int vier aldaer
In ellendicheyt sy voerwaer
Sullen hier moeten vallen alle gaer.
Een clappende man die sal op eerden Ga naar margenoot+
Heel bliuen ongheuoordert hier
Den ongherechtighen sullen aenueerden
Veel quaden, totter doot toe schier
Ick weet, en bekenne Gods manier Ga naar margenoot+
Dat hi met recht sal den armen voer staen
En die wrake voer haer ontfaen
Haer saeck sal hi ter herten laten gaen.
Nochtans die goede sullen beliden Ga naar margenoot+
V naem o Heer seer excellent
V prisen, en dancken tot allen tiden
En die oprechtighe sonder ent
Sullen bliuen Heer bi v ontrent
Woonen: ende zijn alsoe ghesticht
Om te schouwen v Godlijck licht
En sullen woonen bi v claer aensicht.
|
|