Souterliedekens
(1540)–Willem van Zuylen van Nyevelt–
Auteursrechtvrij
[Folio V4r]
| |
 Wij hinghen aen dat willighenhout.
Die ons gheuanghen hadden daer Ga naar margenoot+
Die vraechden ons int openbaer
Een liedt sy hebben daer begheerdt Ga naar margenoot+
Van Syon, alder eeren weerdt.
Wij bidden v al
Dat ghi wilt singhen ons te gheual.
Hoe sullen wi Gods liedt playsant Ga naar margenoot+
Singhen al in dit vreemde lant?
Hierusalem yst dat ick v Ga naar margenoot+
Sal eenichsins vergheten nv
Mijn rechter hant schoon
Blijft dan vergheten sonder thoon.
Mijn tonghe die moet cleuen an Ga naar margenoot+
Mijn wanghen: yst dat ick niet en can
Op v ghedencken vroech en laet Ga naar margenoot+
Ist dat ghi niet bouen die maet
Hierusalem fijn
Het beghinsel mijnder vruecht sult zijn.
O Heer aen Edons kindren ghedenct Ga naar margenoot+
Hierusalem wanneer ghi crenckt
Si spreken siet dat ghi haer schent Ga naar margenoot+
En vernielt haer tot dat fundament
Dit bidden si Heer
Hoe datmen ons sal plaghen seer.
Ghi babiloonsche dochter boos, Ga naar margenoot+
Ellendich ende quaet altoos,
Wel salich is hi tot alder tijt
Die can verghelden uwen spijt
En thoonen v leedt
Soe ghi ons arm gheuanghen deedt.
| |
[Folio V4v]
| |
Wel salich is die man certeyn Ga naar margenoot+
Die can v kindren aen den steyn
Behouwen, ende straffen fel
En vergheldent haer met allen wel
Voer v dangier
Dat ghi ons hebt bewesen hier.
|
|
