Souterliedekens
(1540)–Willem van Zuylen van Nyevelt–
Auteursrechtvrij
[Folio T4v]
| |
liedt inden hooghen Nae die wise Sy en sullens my niet verdriuen, quade tonghen diet mi beniden  TEn si dat die Heere wil bouwen Ga naar margenoot+
Dat huys altijt behouwen
Sinen arbeyt is om niet
Die timmert het sal hem rouwen
Men moetet den Heer betrouwen
Dat het gheluck van hem gheschiet.
Ten si dat die Heer wil bewaren Ga naar margenoot+
Die stede beschermen en sparen
Te vergheefs yst dat hi waect.
Die neersticheyt wil verclaren
Te waken al ouer die scharen
Sinen arbeyt wort ghelaect.
Dat ghi voer dat licht wilt risen Ga naar margenoot+
This ydelheyt, wie salt prisen?
Rijst als ghi gheseten zijt.
Dus laet v doch onderwisen
Die dat broot der droeuighen spisen
Hier moet eten in deser tijt.
Wanneer hi zijn wtuercoren Ga naar margenoot+
| |
[Folio T5r]
| |
Eenen slaep sal brenghen te voren
Siet, die Heer tot eruen sijn
Gheeft kindren die worden gheboren
Te loone: ghi moghet horen
Die zijn woort ghehoorsaem zijn.
Ghelijck als die pilen ghetoghen Ga naar margenoot+
Vlieghen van stercke boghen
Van eens stercken scutters hant
Soe zijn si ghedreuen, gheuloghen,
Die kinder al sonder loghen
So den Heer dat is bekant.
Wel salich tot allen stonden Ga naar margenoot+
So wort die man beuonden
Die daer in sijn lust voldoet
Wanneer hy sal spreken, vermonden,
Sijn vyanden (wilt dit gronden)
Is hy vander schandt behoet.
|
|