Souterliedekens
(1540)–Willem van Zuylen van Nyevelt–
Auteursrechtvrij§ Den .C.xxvij. psalm Beati omnes qui timent Dominum. Een liet inden hooghen. Nae die wise van een dans liedeken Die nachtegael die sanck een liedt, dat leerde ick. WEl salich zijnse hier op aerden leuende Ga naar margenoot+
Al die de vreese Gods hier zijn aencleuende
Die gaen in al zijn weghen, ter deghen
Al nae zijn woort, so dat behoort
| |
[Folio T5v]
| |
 Dat sy hier hebben vercreghen.
Den arbeyt uwer handen ghi hier eten sult Ga naar margenoot+
Alsulcke gauen daer die Heer v me veruult
En ghi zijt dan midts desen ghepresen
Salich altijt: v dyes verblijt
Seer wel sal v dan wesen.
U wijf ghelijc een wijngaert vol van druyuen soet Ga naar margenoot+
Die oueruloedich brengt haer vruchten metter spoet
Is si: ghi moghet weten, gheseten
Aen uwen wandt seer vast gheplandt
Dit heeft die Heer gheheeten.
U kinderen, die God v is toeuoeghende Ga naar margenoot+
Daer in ghi moecht v wesen wel benoeghende
Als planten van olyuen, beclyuen
Aen uwen disch: sy staen ghewisch
Dus wil v God gheryuen.
Dus siet hoe dat die mensch hier wort gebenedijt Ga naar margenoot+
Hoe dat die Heer hier bouen hem altijt verblijt
Die can den Heer der Heeren, so, eeren
Dat hy altoos, hoort sinen voos
Sijn vreese wil hanteeren.
U moet ghebenedien God met zijnder stem Ga naar margenoot+
Dat ghi moecht sien die goeden van Iherusalem
Wt Syon, wtuercoren wilt hooren
Die Heer gheeft: so langhe ghi leeft
Dees gracy v te voren
En ghi met uwen ooghen weest beschouwende Ga naar margenoot+
Die kinder dijnre kindren menichfouwende
Dat si al hier bi namen, versamen
In Israhel verstaghet wel
Altijt met vreden: Amen.
|
|