Souterliedekens
(1540)–Willem van Zuylen van Nyevelt–
Auteursrechtvrij§ Den .C. psalm. Misericordiam et iudicium cantabo tibi. Na de wise Ick voer daer her, met herten groten leyde. BErmherticheyt en ordeel sal ick seere Ga naar margenoot+
Van v singhen (this mijn opset) Ga naar margenoot+
Tot ghi coemt tot my Heere
Ick sal hier leuen na v wet
In eenen wech reyn onbesmet
Tot onnoselheyt ick keere
Eenuuldich heb ic in mijn huys, mijn leuen Ga naar margenoot+
Gheleyt: noch ick tot boosheyt quaet Ga naar margenoot+
Heb my hier willen gheuen.
Die ouertreders seer ghehaet.
| |
[Folio O8r]
| |
Voer minen ooghen, vroech en laet
Die de boosheyt hier aencleuen.
Een hert seer boos, heeft mi niet aen ghehanghen Ga naar margenoot+
En die verre van my is ghegaen
En heb ick niet ontfanghen.
Noch oock ghekent (hoort mijn vermaen)
Die in die boosheyt wou bliuen staen
Want seer quaet waren zijn ganghen.
Die sinen naesten heeft willen verbreyden Ga naar margenoot+
Met achterclap al int secreet
Een ooghe vol hooueerdicheyden Ga naar margenoot+
Daer ick mijn spijs niet me en eet
Heb ick veruolcht: die Heere dit weet
Hem seer ver van mi ghescheyden.
Mijn oogen sien, op die zijn trou van sinnen Ga naar margenoot+
Dat die moghen sitten bi my
Mijn vrientschap moghen winnen
Mijn dienaer sal hy wesen vry
Ist dat hi my wil bliuen by
Eenen reynen wech beminnen.
Al in mijn huys sal hi niet mogen bliuen. Ga naar margenoot+
Die opgheblasen is van gront
Ick sal hem van my driuen
Die loghenen spreect met sinen mont
Voer my en sal hi tot gheender stont
Moghen eenichsins becliuen.
Die sondaers boos en quaet (wilt dit aenhooren) Ga naar margenoot+
Ghedoot al inden dagheraet
Heb ick om haer te stooren
Wt die stadt Gods: al metter daet
Die boosheyt doen ick heb versmaet
En sij bliuen heel verloren.
|
|