Souterliedekens

§ Den .xcix. psalm Iubilate Deo omnis terra. Nae die wise Dat had een meysken eenen ruyter wat lief.

DEn Heere ghi aertrijc al ghemeyn ⁺
Vruecht wilt bewisen groot en cleyn
In vruechde so dient den Heer altijt
En weest van herten seer verblijt.

Coemt voer zijn tegenwoordicheyt ⁺
Met blischap voer zijn maiesteyt
Als ghi hem wilt ghenaken
Soe wilt uwen gheest vermaken.

Want ghi moet weten dat onse Heer ⁺
God is: en weerdich alder eer.
Want hi ghescapen (hoort dit bediet)
Heeft ons: ende wij ons seluen niet.

Treedt in zijn poorten met lof en sanc ⁺
Loeft hem zijn scaepkens, gheeft hem danck
Wilt hem altijt belyen
Sijn naem met melodyen.

+ Iubilate Deo omnis terra: seruite Domino in leticia.

+ Introite in conspectu eius in exultatione.

+ Scitote quoniam Dominus ipse est Deus ipse fecit nos et non ipsi nos.

+ Populus eius et oues pascue eius introite portas eius in confessione: atria eius in hymnis confitemini illi

[fol. O7v]

 

Sijn naem wilt louen, want God is soet ⁺

 

Eewich duert zijn ghenade goet

 

Sijn waerheyt die gaet tot alle gheslacht

 

En blijft altijt van grooter cracht.

+ Laudate nomen eius quoniam suauis est Dominus in eternum misericordia eius: et vsque in generatione et generationem veritas eius