Souterliedekens
(1540)–Willem van Zuylen van Nyevelt–
Auteursrechtvrij§ Den .xcviij. psalm. Na de wise. Een schoon ionge maecht heeft mi ghedacht, te comen voer Sijn rijck die Heere nam Ga naar margenoot+
End hy op clam
Op Cherubin verheuen
Die menschen werden gram
Wanneer hy quam
| |
[Folio O6r]
| |
 Het aertrijc sachmen beuen
Nv hoort wat staet ghescreuen
Die Heer seer goet gheheeten
In Syon is hi groot Ga naar margenoot+
In Syon is hy groot
Dat seg ick bloot
Hooch bouen allen menschen gheseeten.
U naem met grooter eer Ga naar margenoot+
Moeten hier seer
Beliden tot allen stonden
Die menschen lieue Heer
Hier altijt meer
Want groot wort hy beuonden
Vreeslijck tot een oorconden
Is hy, die tquaet beghinnen
Maer heylich ende goet.
Maer heylich ende goet.
Die duechden doet
Die Coninck wil dat recht beminnen.
Ghi Heere hebt bereyt Ga naar margenoot+
Gherechticheyt
In Iacob condt ghi pleghen
| |
[Folio O6v]
| |
Doer uwe maiesteyt
Daert al aen leyt
Dat goet zijn al zijn weghen
Verheft den Heer ter deghen Ga naar margenoot+
Sijn voetbanck wilt doch prisen
Want heylich ende fijn
Want heylich ende fijn
Tot allen termijn
Is si: men hoort haer lof te bewisen.
Sijn priesteren certeyn Ga naar margenoot+
(Dit woort is pleyn)
Moyses en Aaron waren
Met Samuel ghemeyn
Sijn naem seer reyn
Sij aenbaden sonder sparen Ga naar margenoot+
God heeft haer voer zijn charen
Gheacht, voer zijn vercoren
Als si hem riepen aen
Als si hem riepen aen
Soe sprack hi saen
En liet hem doer een wolcke horen.
En si bewaerden wel Ga naar margenoot+
Sijn woort en beuel
Dat hi haer had ghelaten.
Ghi Heer verhoorde snel Ga naar margenoot+
Al haer ghequel
Ghi quaemt haer rasch te baten
Dees reden wilt doch vaten
Haer sonden woudt ghi wreken
En straffen haer bedrijf
En straffen. &cetera.
Nae v gherijf
Om dat sij van v waren verkeken.
Den Heere (wie ghi zijt) Ga naar margenoot+
Ghebenedijt,
Verheft: en wilt hem louen
Wilt bidden met iolijt
Tot alder tijt
| |
[Folio O7r]
| |
So wort ghi niet verschouen
Van God den Heer hier bouen
Loeft hem tot allen vren
In sinen berch bidt
In sinen berch bidt
Verstaet wel dit
Sijn heylicheyt sal eewich dueren.
|
|