Souterliedekens
(1540)–Willem van Zuylen van Nyevelt–
Auteursrechtvrij§ Den .lxxxv. psalm Inclina Domine aurem. Na de wise Venus, Iuno, Pallas, oft na de wise. Op v betrou ic Heere, ghi zijt mijn U ooren tot mijn begheere Ga naar margenoot+
Wilt neyghen vroech en laet
Wilt mi verhooren Heere
Ellendich
| |
[Folio M7r]
| |
 is minen staet
Coemt mi te baet
Mijn siel wilt Heer bewaren Ga naar margenoot+
Want mijn hoep metter daet
Heb ic bouen die maet
Altijt v willen verclaren.
Wilt mijns ghenadich wesen Ga naar margenoot+
Ich riep den heelen dach
Maect vrolijck, wilt ghenesen
Mijn siel sonder verdrach.
Hoort mijn gheclach
Tot v heb ick gheheuen
Mijn siele, als ick lach
En droefheyt aensach
V Heer woudick aencleuen.
Want Heer ghi zijt van sinnen Ga naar margenoot+
Seer saecht, en daer toe soet
Bermherticheyt sy winnen
Die hier met alder spoet
V Heere goet
Aenbidden met verlanghen
V ooren op doet Ga naar margenoot+
En mijn liden boet
Wilt mijn ghebet ontfanghen
U in mijn tribulacy Ga naar margenoot+
| |
[Folio M7v]
| |
Heb ick gheroepen aen
Ghi verhoorde mi doer v gracy
Niemant (hoort dit vermaen) Ga naar margenoot+
Mach by v staen.
Die Goden, noch die rijcken
Gheen wercken ghedaen
Hier brenghen ter baen
By uwe daden te ghelijcken.
Die heydens met grooten hoopen Ga naar margenoot+
V bidden, groot en cleyn
Sy sullen tot v loopen
V naem eeren certeyn
Ghi zijt alleyn Ga naar margenoot+
Groot: dyet wonder can pleghen
Al ben ick Heer onreyn Ga naar margenoot+
In v waerheyt pleyn,
Leydt my doch in v weghen.
Dat ick v naem mach vreesen Ga naar margenoot+
Mijn moet wilt maken bly
Al in mijn hert ghepresen Ga naar margenoot+
O Heer sult wesen ghy.
V naem glory
Gheef ick tot allen stonden
Want v goetheyt is vry Ga naar margenoot+
Groot ouer my
Ghi toecht my wten afgronden
Die boose my oueruielen Ga naar margenoot+
Die daer ongodlijck zijn
En sochten mijn siel te vernielen
Te brenghen in sware pijn.
Voer haer aenschijn
V vrees sy niet en stelden
Want tot allen termijn
Sijt ghi goet ende fijn
Wie cant ghenoech vermelden.
| |
[Folio M8r]
| |
Bermhertich, en warachtich Ga naar margenoot+
Lijdsamich tot alder tijt
O Heer weest mijns ghedachtich Ga naar margenoot+
Dat ghi mijnder ghenadich zijt.
Vwen knecht verblijt
Voer hem v rijck wilt sparen
Den sone bevrijt
Ghebenedijt
Dyen ghi v maecht liet baren.
Thoont mi een ghenadich teken Ga naar margenoot+
Op dat sy alle gaer
Die my willen versteken
Beschaemt zijn openbaer.
Want ghi voerwaer
Bi my woudt hier vereenen
En my als een vaer
In mijn liden swaer
Vwen troost altijt verleenen.
|
|