Souterliedekens
(1540)–Willem van Zuylen van Nyevelt–
Auteursrechtvrij§ Den .lxxxiiij. psalm. Benedixisti Domine terram tuam. Na die wise. Och sal ick alle mijn leuen, in onghenoechten zijn. GHi wout ghebenedyen Ga naar margenoot+
V aertrijck
| |
[Folio M6r]
| |
 lieue Heer
En Iacob wout ghi vryen
Die lach gheuanghen seer.
En ghi hebt al haer sonden Ga naar margenoot+
Vergheuen, vroech en spaey
Bedect tot allen stonden
Die bidden om ghenaey
En ghi hebt willen breken Ga naar margenoot+
V toornicheyt certeyn
Daer ghi me waert ontsteken
Op ons hier al ghemeyn
Wilt ons o Heer bekeeren Ga naar margenoot+
God onser salicheyt
Dat wij uwen thoorn ontbeeren
Die ghi ons hadt bereyt
Sult ghi op v vercoren Ga naar margenoot+
Eewich hier toornich zijn?
Sult ghi v eewich verstoren
Dat is ons sware pijn.
Ghi Heere sult ons maken Ga naar margenoot+
Leuendich ende vry
Dan sal om dese saken
V volck in v wesen bly
Heer wilt ons openbaren Ga naar margenoot+
V goetheyt, in dit dal
V salicheyt verclaren
Dat wij v bidden al.
Seer gaerne sal ick hooren Ga naar margenoot+
| |
[Folio M6v]
| |
Wat God hier spreect in my
God die ons brengt te voren
Sinen pays, en melody.
God gaf sinen pays den vromen Ga naar margenoot+
En heeft daer me veruult
Die tot haer seluen comen
En kennen al haer schult.
Sijn salicheyt sal bliuen. Ga naar margenoot+
Bi die zijn naem hier vreest
Op dat mach ter aerden becliuen
Sijn glory ende gheest.
Die goetheyt opter stede Ga naar margenoot+
Der waerheyt quam te ghemoet,
Gherechticheyt gaf den vrede
Een minnelijck kusken soet.
Die waerheyt groot van waerden Ga naar margenoot+
Die is ghesproten hier
Gherechticheyt, opter aerden
Sach wt den hemel fier.
God sal zijn goetheyt gheuen, Ga naar margenoot+
Dat aertrijcke haer vrucht
Hem wilt altijt aencleuen
En weest doch niet beducht.
Die God hier can behaghen Ga naar margenoot+
Iusticy voer hem gaet
Sijn ganghen tot allen daghen
Die Heer niet en verlaet
|
|