Souterliedekens
(1540)–Willem van Zuylen van Nyevelt–
Auteursrechtvrij§ Den .xxv. psalm Iudica me Domine. Na die wise Sorghe ghi moet besiden staen. OCh Heer wilt doch mijn rechter zijn Ga naar margenoot+
Onnosel is al mijn leuen
En ic betrou den Heere mijn
Daer
| |
[Folio D5v]
| |
 om sal ick niet sneuen.
Wilt my besoecken vroech en laet Ga naar margenoot+
Mijn nieren wilt ontfuncken
V goetheyt voer mijn ooghen staet Ga naar margenoot+
V waerheyt mijn goetduncken.
Ick niet en sat (hoort mijn vermaen) Ga naar margenoot+
Inden raet der ydelheden.
Met die met boosheyt omme gaen
En sal ick niet in treden.
Ick heb ghehaet in minen gront Ga naar margenoot+
Die ghemeynte der godloosen
Noch ick en sal tot gheender stont
Sitten al bi den boosen.
Ick sal mijn handen wasschen reyn Ga naar margenoot+
Onnoselheyt aenhanghen.
En ick v outaer dan certeyn
O Heere sal omuanghen.
Op dat ick hooren mach den voos Ga naar margenoot+
V lof altijt mach singhen
Dat ick vertellen mach altoos
V wonderlijcke dinghen.
O Heer ick heb v wooning soet Ga naar margenoot+
Die plaets van grooter weerde
Seer lief ghehadt in minen moet
En ick die seer begheerde.
En wilt mijn siel verderuen niet Ga naar margenoot+
Metten boosen verbannen
Maer spaert mijn leuen met alle vliet
Van bloetghierighen mannen.
In welcker handen zijn voerwaer Ga naar margenoot+
Boosheyden: om te crencken.
| |
[Folio D6r]
| |
Haer rechter hant is vol en swaer
Van ghiften, en gheschencken.
Maer ick wou gaen, en treden in Ga naar margenoot+
In een onnosel wesen
My Heer verlost: hoe dat ick bin
Ontfermt, wilt my ghenesen.
Mijn voet certeyn tot gheender tijt Ga naar margenoot+
Van dinen wech wou gliden,
Ick sal v in die ghemeynte wijt
O Heere ghebenediden.
|
|