Souterliedekens
(1540)–Willem van Zuylen van Nyevelt–
Auteursrechtvrij
[Folio D4r]
| |
 GOt v o Heer: ick altijt meer
Mijn siele heb gheheuen metter spoet
Mijn God wel seer, met grooter eer
Op v betrou ick hier met bliden moet
Van scande so bid ic Heer mi behoet
Al die v verbeyden
Van schand en spijt, tot alder tijt Sij zijn gheurijt
Maer wilt haer confuys bereyden
Die boosheyt in haer sinnen binnen leyden.
U weghen claer: o Heer, o vaer Ga naar margenoot+
Wilt my verthoonen, ende maken condt
En my voerwaer, leert openbaer
V paden: en leydt mi tot alder stondt
Al in uwe waerheyt God die ghesondt Ga naar margenoot+
Maect: zijt verheuen
Want dach en nacht, met al mijn cracht
Ick heb verwacht
| |
[Folio D4v]
| |
Ende woude v aencleuen
Wilt mi tot uwer eeren leeren leuen.
Ghedenct doch ghi, dat bid ick di Ga naar margenoot+
Op v bermherticheyden, ende duecht:
V goetheyt vry, die ons maect bly,
Is eewich: en die sonden van mijn iuecht Ga naar margenoot+
En wilt niet ghedencken, int v ghenuecht
Mijn sot bedriuen
Sonder delay, na v ghenay, soet ende fray Ga naar margenoot+
Doer v ionst in mi becliuen
Laet mi in v ghehueghen mueghen bliuen.
Oprecht en soet, zijt dies wel vroet, Ga naar margenoot+
Is God: ende hi sal gheuen zijn wet
Het onbesnoet, en sondich bloet
Dat hier op deser aerden is gheset.
Den goeden met oerdeel sal hi seer net Ga naar margenoot+
Leyden sonder trueren
In sulcken schijn, dat hi sal zijn, leerende fijn
Den saechten van natueren
En in zijnder ghenaden paden stueren
Gods weghen al, sonder ghetal Ga naar margenoot+
Sijn goetheyt, ende waerheyt excellent.
Die in dit dal, hem te gheual
Sijn woerden soecken, en zijn testament.
Mijn sonden seer veel, ende groot bekent, Ga naar margenoot+
Wilt doch ghenesen.
Om dinen naem, alleen bequaem, o Heer heylsaem
Want wie yst die God can vresen? Ga naar margenoot+
Gods wet sal bi hem crachtich machtich wesen.
Sijn siele sel, dan woonen wel Ga naar margenoot+
In goet gheluck: end oock soe sal zijn saet
Beeruen snel, doer Gods beuel
Het aertrijck: God ontdeckt haer sinen raet. Ga naar margenoot+
Den ghenen die vreesen zijn maiestaet,
Sal hy verclaren
| |
[Folio D5r]
| |
Al zijn verbant, maect hy bekant
En haer in plant.
En mijn ooghen op God staren Ga naar margenoot+
Vanden stric sal hi mijn voeten moeten sparen.
Siet mi doch aen, laet mi ontfaen Ga naar margenoot+
Bermherticheyt: want ic ellendich bin.
Veel drucx ghegaen, (wilt dit verstaen) Ga naar margenoot+
Is binnen in mijn hert ghecomen in.
Dus bid ick o Heere, hebt sulcken sin
Wilt my wt trecken
Wt minen noot, aensiet doch bloot, mijn arbeyt groot Ga naar margenoot+
Siet mijn cleynheyt mi ontdecken
Vergheeft doch mijnder sonden wonden vlecken
O Heer aenschout, hoe menichfout, Ga naar margenoot+
Mijn vyanden hier zijn met boosen haet.
Mijn siel behout, die v betrout, Ga naar margenoot+
Daer om wilt mi verlossen metter daet
Want ghi zijt mijn hope, en toeuerlaet.
Laet my niet beschamen Ga naar margenoot+
Ick heb verbeyt, v mogentheyt, die duecht bereyt
Heeft bi mi willen versamen.
Wilt Israhel van lyen, vryen. Amen. Ga naar margenoot+
|
|