Souterliedekens
(1540)–Willem van Zuylen van Nyevelt–
Auteursrechtvrij
[Folio C2r]
| |
 O Heer verhoort doch mijn ghebet Ga naar margenoot+
Rechtuerdich is al mijn gheclach
Ick bid v dat ghi op mi let Ga naar margenoot+
Als ick sal roepen sonder verdrach
Sonder bedroch nacht ende dach
Mijn recht wilt voer v aensicht houwen
Ic bid v Heer wat ick vermach
Wilt doch gherechticheyt aenscouwen.
Ghi hebt gheproeft mijns herten gront Ga naar margenoot+
By nacht o Heer, nae v behaghen
Maer ghi en vont tot gheender stont
Dat ick die boosheyt heb ghedraghen.
Op dat ick tot gheenen daghen Ga naar margenoot+
Der menschen wercken sou verclaren.
Maer om v woerden wou ict waghen
En herde weghen hier bewaren
Heer, wilt volbrengen mijn gangen al. Ga naar margenoot+
En in dijn weghen wilt mij stueren
Dat mijn voetstappen tot gheenen val
En comen: oft ic soudt: besueren
Ick riep in minen trueren Ga naar margenoot+
| |
[Folio C2v]
| |
Want ghi hebt mi willen verhooren
O Heer bermhertich van natueren
Op my wilt neyghen hier v ooren.
Maect wonderlijc v bermherticheyt, Ga naar margenoot+
Die in v hopen, wilt salueren.
Van die haer teghens uwe maiesteyt Ga naar margenoot+
Stellen: v hant hier resisteren.
Bewaert mi Heer der Heren
Als een appelken der ooghen
Onder v vloghelen en gheren Ga naar margenoot+
Laet mi den boosen zijn onttoghen.
Ront om aen alle siden fel Ga naar margenoot+
Mijn vyanden mijn siel omringhen
Haer vetheyt si besloten wel
Haer mont sprack opgheblasen dinghen. Ga naar margenoot+
Sy my verworpen, omuinghen,
Haer ooghen sij sloeghen ter eerden
Als een leeu si mi ontfinghen. Ga naar margenoot+
Een leeu die eenen roof aenueerden.
O Heer staet op en my behoedt Ga naar margenoot+
Wilt doch mijn vyant heel verneren
Verlost mijn siel van dit ghebroedt
Die teghen v hier rebelleren.
V sweert moet van mi keeren
Die vyanden van uwen handen
Die my willen persequeeren.
Mijn siel verlost wt haren banden.
Scheyt haer van weynich menschen hier Ga naar margenoot+
Heer teghenwoerdich in haer leuen
Van v verborghen dinghen schier.
Haer buyck is sat, en seer verheuen
Sy zijn versaedt ghebleuen Ga naar margenoot+
Van kinderen die si vergaerden
Haer kinder hebben sij ghegeuen
Al tgeen dat sij hier ouer spaerden.
| |
[Folio C3r]
| |
Maer ick sal zijn alsoe ghesticht Ga naar margenoot+
En met gherechticheyt mi pinen
Te comen Heer voer v aensicht
Tot mijnder sielen medecinen.
O heer tot allen terminen
Wanneer v heerlicheyt ghepresen
Wanneer v glory sal verschinen
Dan sal ick seer versadicht wesen
|
|