Souterliedekens
(1540)–Willem van Zuylen van Nyevelt–
Auteursrechtvrij
[Folio C1r]
| |
Nae die wise. Die my morghen wecken sal, dat sal doen die nachtegael  BEwaert my Heer, op v certeyn Ga naar margenoot+
Staet al mijn hoep en troost alleyn
Ghi zijt mijn God vol eeren
Die niet en behoeft mijn goeden cleyn
Maer moecht die wel ontbeeren.
Den heylighen in dit aertsche lant Ga naar margenoot+
Heeft God seer wonderlijck gheplant.
Daer in is mijn behaghen
Ick sal haer mijn wil, en, mijn verstant
Mijn herte altijt toe draghen.
Haer cranckheden die waren veel Ga naar margenoot+
Daer nae si haesten al gheheel
Ick en sal doch niet versamen Ga naar margenoot+
Haren bloedighen offer tot mijn deel.
Noch dencken op haer namen.
God is mijn deel, mijn erue gheheel Ga naar margenoot+
Mijn kelck, mijn schat, en mijn iuweel.
Ghi sult nae mijn begheren
| |
[Folio C1v]
| |
O Heer mijn porcy end erfdeel
Certeyn restitueren.
Die coorden zijn mi na Gods ghebot Ga naar margenoot+
Gheuallen tot een soe schoonen lot
Mijn erffenis ghepresen.
Want die vernaemt is sonder spot
Sal my seer heerlijck wesen.
Ich sal God louen, die eewich leeft. Ga naar margenoot+
Die my verstant en sinnen gheeft,
By daghen, en bi nachten.
Mijn nieren, die God ghescapen heeft
Die straffen mijn ghedachten.
Ick heb ghesien, den Heer present Ga naar margenoot+
In mijn ghesicht altijt ontrent
Ter rechter hant besiden
Staet my die Heer seer excellent
Dat ic niet en sou gliden.
Daer om so was mijn hert verblijt Ga naar margenoot+
Mijn tong veruruechde met iolijt
Mijn vleesch zal daer en bouen
In vaste hope rusten altijt
Mijn Heer dancken en louen.
Ghi en sult mijn siel ter hellen niet Ga naar margenoot+
Verlaten: noch brenghen in verdriet
Maer sult my conserueren
Dat dijn heylighe niet en siet
Dat hem mach corrumperen.
Ghi deedt my kennen des leuens pat Ga naar margenoot+
Met blischap sult ghi maken sat
My Heer, doer v aenschouwen
Al in v hant een bliden schat
Ten eynde sult ghi houwen.
|
|