Souterliedekens
(1540)–Willem van Zuylen van Nyevelt–
Auteursrechtvrij§ Den .v. psalm voer die erffenisse Verba mea. &cetera. Na die wise. Aenhoort alle mijn geclach ghi ruyterkens fraey van sinnen UErhort Heer mijn gheclach Ga naar margenoot+
Mijn woerden wilt ontfanghen.
Ick roep nacht ende dach
En maeck seer groot ghewach
Ick bid v wat ick mach Ga naar margenoot+
Neemt dit doch in verdrach
Hebt acht op mijn verlanghen.
Mijn God, mijn coninck goet Ga naar margenoot+
Sijt ghi, vol charitaten.
Want ick bid met ootmoet
Mijn stem hoordy met spoet
Vroech sal ick Heere soet Ga naar margenoot+
Staen bi v, wesen vroet
Dat ghi boosheyt wilt haten.
| |
[Folio A8r]
| |
Al voer v ooghen reyn Ga naar margenoot+
En moghen si niet ghedueren
Ghi haetse alle ghemeyn Ga naar margenoot+
Die boose, groot, en cleyn,
Die lieghen hier certeyn
Ghi wiltse verderuen pleyn
En inden afgront stueren
Die daer bloet ghierich zijn Ga naar margenoot+
Die gaerne een ander bedrieghen
God haetse als venijn
Keert van haer zijn aenschijn
Daer afbeschermt doch mijn
Want tot v ghenade fijn
Wil ick seer neerstich vlieghen
In dijn huys so wil ick gaen Ga naar margenoot+
V vreese wil ick hanteren
O Heere hoort mijn vermaen
Stiert mi op die rechten baen Ga naar margenoot+
Al sient mijn vyanden aen
Wilt altijt bi my staen
Mijnen wech wilt doch regeren
Want siet, in haren mont Ga naar margenoot+
En is niet dan enckel loghen.
Seer ydel is haren gront
Haer kele is onghesont Ga naar margenoot+
Seer open en doerwont.
Haer tonghe bedroch ontbont
Oerdeelt God, die ons bedroghen
O God laet haer ghedacht Ga naar margenoot+
Altijt verloren blijuen
Si en hebben niet heur acht
Dan boosheyt, dach en nacht
V ghetercht, ende veracht.
Het is een boos gheslacht
Wiltse ghi van v verdrijuen.
| |
[Folio A8v]
| |
Ende laetse wesen bly Ga naar margenoot+
Die uwe hope ontfanghen
Eewich soe moeten sy
V blijschap wesen by.
Want, Heere ghelooues my Ga naar margenoot+
Haer glorie dat zijt ghi
Allen die uwen naem omuanghen.
Want ghi ghebenedijt Ga naar margenoot+
Die hier rechtuaerdich leuen
Vwen goeden wille altijt Ga naar margenoot+
Ons als een schilt beurijt
Daer mede ghi verblijt
Ende croont ons met iolijt
Doer v ghenade verheuen.
|
|