|
| |
| |
| |
V Spotliederen
| |
| |
140.
Ghy jonge meyskens van avontueren
(Ps. XXVIII)
Ghi ruytersgesellen van a - von-tue-ren
die gaerne sit - ten opden wijn-banc
Wi lig-ghen ghesloten tus-schen mueren
van for - tuy - nen zijn wij so cranc.
een ver-ra-der ons daer-toe dwanc,
met schoone woorden hebb'n si ons gevaen
den tijt sal keeren eer yet lanc
dat wi te Brugghe op strate sullen gaen.
Quade tonghen soudent gaerne keeren
Dat wi souden laten Vlaenderen soet.
Men sal altoos goede ghildekens eeren
Ende maken altijt eenen moet,
Mer die besmet is van Judas bloet
Die schieten altijt haer fenijn.
Elc wachter hem voor siet wat hi doet,
This so quaet ghevanghen te zijn.
Al ligghen wi nu in dit perket
Wi sullender noch eens utraken,
Wi zijn ghevanghen al teghen die wet,
Dat deden ons des heeren knapen,
Vijf wolven quamen daer om twee schapen.
Si en hadden daer op niet gedacht,
Si souden haren broeder ontschaken,
Al om te betalen haer pacht.
Nu bidde ick alle ruyters fijn
Dat si hem willen wachten
Voor quade tonghen, gheen argher fenijn,
Si schieten bi daghe ende ooc bi nachte,
Si hebben so menigherhande gedachte
Eer si strijcken haren staert.
Ghi ruyters ghesellen, hoort mijn clachte,
Want si is wel hoorens waert.
| |
| |
Die dit liedeken heeft gestelt
Van Mechelen is hi gheboren,
In sinen buydel en hout hi gheen ghelt
Hi ghevet gaerne al te voren,
Schoone vrouwen heeft hi utvercoren,
Die staen so vaste int herte claer,
Schenct den wijn en laet niet trueren,
Het coemt alleleens over hondert jaer!
ANTWERPSCH LIEDBOEK 1544, Nr. LII.
| |
Ghy jonghe meysken van avontueren.
(met geestelijken tekst) Uit Diversche Refereynen ende Liedekens 1574 (Thantwerpen bij Gielies van den Rade). Een liedboek van stichtelijken inhoud, dat tegelijk als loterijbillet diende!
Het lied stond ook in Kamper Lb. vóór 1542 Diii. Als stemopgave † Dev. en prof. 1539 bl. 889. Dit is natuurlijk niet de oorspronkelijke tekst maar een latere omwerking. Misschien werd ook het lied van den Hazelaar op deze wijs gezongen, str. 5 en de dichtmaat schijnen daarop te wijzen. Voor een goede verklaring van dit interessante tafereel van dien tijd vgl. Kalff Lied bl. 465, 469 (ook 352).
B
Hoort ghi ghildekens alle,
Heere, vrouwen ofte knecht,
Maye, Griete, Lijse ofte Kalle,
Den Haselaer es op gherecht!
En hebt toch gheenen vaer,
Om te komen in den Haselaer.
| |
| |
Moniken, nonnen, baghinnen,
Ghy lollaerts, ghy moet al me,
Wilt u totten Haselaer pijnen
Hoort ghi een woordeken spreken
Tsteckt u al in den crop,
Ghy sullet noch wel wreken,
Coopluden, ambachters, poorters
Duerwaerders ende muylstoters,
Den Haselaer es so breet.
Trompetters fluyters, tamboeren,
Nu loopt al paer en paer.
Die ghaeren den elleboghe roeren
Loopt vry te dansse onvervaert,
Weest tsavons laet opt strate,
Tgaet te vastelavont waert.
Laet vry u werck legghen,
Weest vrolijck als nu ter tijt,
Wilder u yemant toe segghen,
Den Haselaer es soo wijt.
Ghesellekens van avontueren,
Meyskens, maect gheen achterblijf,
Mach u wat goets gebueren
Avontuert het achter lijf.
Wilt by u boelken blijven
Oft loopt in den Haselaer.
Ghy moet u alle ghereeden
Die ick niet ghenomen en can,
Daer schuylen so veel quaey beleeden
Tsavons zijn wij droncken,
Tsmorghens es die keele drooch,
Het wijf gaet dan proncken,
Den Haselaer es soe hooch.
| |
| |
Als dese ghehoude vrouwen
Tsmorghens vroech op staen
Int wijnhuys machmense schouwen,
Si souden te vleeschuyse gaen.
Als die mans dit hebben vernomen,
Sijn wijf drinct den wijn tes claer,
Als die vroukens thuys dan comen
Den man is in den Haselaer.
Sotten, wat mach u gebreken?
Sottinnen, hebt goeden moet!
Loopt in den Haselaer metter spoet.
Die gaeren metten lenden wercken
Die nooten zijn goeden coop.
ANTWERPSCH LB. 1544, No. CCXV
Een nyeu liedeken Van den Haselaer.
|
|
Auteursrecht onbekend