Tvoyage van Mher Joos van Ghistele

(VIII, 2)

[V]oort seilende lancx der voorseyder zee, zo quamen zij anckeren in een schoon poort ende havene, daer tanderen tijden eene steercke stede ghestaen heeft, toebehoorende den Turck, maer es nu gheheel ghedestrueert, ende plach te heeten Colcos, nu Corco ghenaemt,¹⁰ ter welcker plecken staet als noch een steerc casteel, wel also groot als twee vanden torren te Tripolij,¹¹ up elcken houc met eenen ronden torre (351v) ende eenen in midden vele hoogher dan dandere, den welken men van verren siet, daer de Torcken eeuwelic wake up houden, ende als zij yet vernemen daer zij vare vooren hebben, zo doen zij teecken om dat elc up zijn hoede zijn

10 Corycus of Curcium aan de Cilicische kust. Blijkens het vervolg verwart Zeebout deze plaats met de streek Colchis (ten oosten van de Zwarte Zee) waar zich het Gulden Vlies bevonden zou hebben.

11 Zie Tvoyage VI, 2.

[p. 361]

zoude. In midden vanden casteele staet eene schoone fonteyne, tbeste water van daer omtrent, ende es gheleghen in wat planuren. Maer niet verre van daer leyt een hoogh drooghe ghebeerchte daer in tijden voorleden plach te woonen Apollo dafgod, en was deerste coninc vander voorseyder plaetsen, die eene dochter hadde, ghenaemt Fafoles, die hij te wive gaf eenen ghenaemt Pherijs, welke twee hadden te samen eene dochter, gheheeten Ortes, die in handen hadde al tghescrifte bij successien van Apollo, daer mede datmen tgulden vlies winnen mochte, diedt van Mars den god ghecreghen hadde, de welke troude eenen man uut Griecken, ghenaemt Otes. Dese twee hadden eene dochter, Medea gheheeten, die naer de doot van harer moedere de voornoemde ghescriften in handen creech. Ende als Jason daer quam, zo woonde daer de voorseyde Otes coninc, ende ooc Medea met hem, de welke bij nigromancien in bewaernessen hadde tgulden vlies zo voorseit es, ende mids der jonsten die zoe leyde an Jason, wijsde hem de conste bij wat middele hij tgulden vlies ghecrighen zoude, zo als ooc dat ghebuerde, ghelijc daer af dhistorie van Jason breedere mencioen maect. Recht voor de stede zo leyt een cleen scoykin, dats een heylandekin niet zeere hooghe buuten den water, wat noesschende, ende (352r) maket tpoort ende havene vander voornoemder stede, ghenaemt dheyland van Medea, up twelc tgulden vlies zijne residencie hilt ende daer alle de vremde ghedrochten tzijnre bewaernessen up waren, zomen daer af wel claerder bescheet vindt in huerlieder historien. Uut welker reysen die Jason dede, eerst spruudtte den nijt tusschen den Griecken ende den Troyenen. Eeneghe zegghen dat tvoorseyde vanden gulden vliese gheschiede int heyland van Rodes,¹² maer de meeste menichte houden dadt was ter plecken voorseit. Dese voorseyde plecke mach zijn verscheeden van Lajassa onttrent hondert ende vijftich milen. Ende blijct claer inde historie van Meluzinen¹³ dat tgulden vlies vonden was in Corcou ende niet in Rodes, want de zelve seit dat tgulden vlies was bij Cypers. Ooc bevindtmen ten eersten of ten tweesten blade vander historien van Jason, daer staet dat tgulden vlies was oostwaert van Troyen,¹⁴ ende Rodes es ghenouch zuutwaert zoot blijct bijder carten de navigaro. Item scheedende van daer ende voort seilende, zo comt men ter steden van Scandelore, die zeere proper ende redelic steerc es, toot daer de voorseyde hemlieden bevracht hadden, ligghende onder een zeere groot ghebeerchte, ende es een goet poort ende havene, onder hem hebbende een landscap in zeer steercke maertse gheleghen van grooten ghebeerchten, ende plach toe te behoorne eenen particulieren heere up hem zelven, maer de Turck heeften verjaecht ende houdet tland met fortsen. De voorseyde hebben den voornoemden heere dicwil ghesien in Alkayeren (352v) bijden souldaen diene onderhoudt. Item daer woonen ooc vele kerstenen Armenij.

12 Nl. Ludolf van Suchem, cap. 19, alsook Von Breydenbach.

13 Zie aant. V, 39 en 40.

14 Guido delle Colonne, Historia destructionis Troiae, bevat inderdaad op f. 2v (volgens de editie van N.E. Griffin) de volgende zinsnede: ‘(...) in quadam insula dicta Colcos ultra regni Troyani confinia uersus orientalem plagam quidam aries habebatur, cuius vellus erat aureum (...)’.